VOV4.K’ho- Sa tềp dà lơgar Kỷ Hợi nam 2019 pa do là sa tềp kuơ màng ngan bơh 29 hìu bơnhă mờ 96 nă làng bol lơh ka tàm tơnau dơng dà Hìu ma\y pờ tơlik ồs đèng Sê San 4, kơnhoàl tiah nhàr lơga  Ia H’Drai, càr Kon Tum. Kuơ màng là tài bơh tơnơ\ mờr 10 nam kis tàm dà, kong mờ rài kis uă bòl glar tàm dà tài bơh ntrờn ơm kis khat gơboh, do là nam sơn rờp ală làng bol lơh ka geh wă rò sơnam pa sa tềp tàm hơđang ù gờl mờ hìu ơm niam mờ geh sră cih mat hìu bơnhă loh làng.

Tơnơ\ mờr 10 nam kis tàm dà lơh ka tàm tiah tờm tơnau dơng dà Hìu ma\y pờ tơlik ồs đèng Sê San 4, do là nam sơn rờp hìu bơnhă bi Nguyễn Tuấn Vũ geh wă sa tềp tàm hơđang ù gờl, den geh tai hìu ơm niam mờ sră cih mat hìu bơnhă loh làng. Bi pà g^t, hơ\ kung là bơta chờ hờp bal bơh 29 hìu bơnhă làng bol lơh ka tàm dơ\ sa tềp dà lơgar Kỷ Hợi 2019 nam do.

Tơl nam a` sa tềp hơđơm hìu gu\ lơm. Lòt wih lòt wơl tàm hìu gu\ hat hal, dà ia kal ke ngan. Tu\ do geh gơnoar atbồ tiah do pà dùl nơm hìu nàng ơm den chờ hờp uă ngan. Bơta chờ hờp yal kung ờ jơh sơl.

{òn lơh ka pa bơh 29 hìu bơnhă làng bol lơh ka tàm Sê San 4.

Wă nam pa, làng bol lơh sa ờ hi\u rài kis kal ke, bòl glar mờ khi pa lòt gan. Tàm tu\ tơngai lơh broă jòi sa, khi tus bơh uă [òn krơi is, bè An Giang, Đồng Nai, Thừa Thiên Huế… tus tơrgùm bal tàm tơnau dơng dà Hìu ma\y pờ tơlik ồs đèng Sê San 4 ai broă lơh ka lơh broă jòi sa ròng siam rài kis pah ngan. Sùm mờr 10 nam do, ală làng bol lơh ka gơ lơh bè tam cah is mờ mpồl bơtìan, priă lơh tờm ngan là khà ka geh is kung ngai sơlơ kal ke ngan tras ku\p.

Bi Nguyễn Văn Triều, [òn tờm tàm càr An Giang pà g^t, rài kis làng bol lơh ka tam gơl pa rài kis tu\ Kuang đơng lam bồ Tỉnh ủy mờ UBND càr Kon Tum lòt plung tus dì tiah ơm kis, jòi g^t uă ngan jơnau gơbàn den hơ\ sồng bơsong broă.

 Gơnoar atbồ xã Ia Tơi, UBND kơnhoàl Ia H’Drai, geh ală broă dong kờl ngan ngồn nàng dong kờl làng bol. Chờ hờp ngan rlau jơh là jơh bal 29 hìu bơnhă làng bol ndrờm geh gơnoar atbồ tiah do dong kờl ai mut lơh sră cih mat hìu nhă. Bồ nam 2018, tơl hìu bơnhă geh pà 400 thơk vuông ù tàm gùng dờng kềng gah tơnau dơng dà Hìu ma\y pờ tơlik ồs đèng nàng lơh hìu ơm.

Ủy Ban Mặt trận dà lơgar Việt Nam càr Kon Tum, dong kờl tơl hìu bơnhă 50 tơlak priă nàng làng bol in geh tai priă jền nàng lơh hìu. Tus lồi nam 2018, hìu bơh 29 hìu bơnhă làng bol ndrờm neh lơh gơs di tu\ wă rò nam pa Kỷ Hợi 2019. Lài mờ ngai sa tềp, gơnoar atbồ [òn lơgar kung neh lơh gơs gùng che ồs đèng, du\i tơn tus tàm [òn lơh ka, lơh nùs nhơm làng bol neh chờ hờp den sơlơ chờ hờp uă rlau tai.

Bi Nguyễn Văn Triều đơs tus bơta chờ hờp wil tơl tàm dơ\ sa tềp nam do:

Bơh nam 2012 tus tu\ do, tu\ sa tềp tàm dà bơta chờ hờp ờ go\ wil tơl ờ hơ\ là he ờ hềt geh dờp. Tu\ do geh Dà lơgar dờp, geh hìu ơm, geh dong kờl ka sơn tìl. Tàm tơngai tus do là mờr ai càn priă ai 16 hìu bơnhă in bơh UBND xã kong kơnòl broă. Nam do làng bol wă sa tềp nam pa chờ hờp chờ hờn uă ngan mờ wil tơl ngan.

Rài kis pa neh tus mờ bi Nguyễn Văn Triều bal mờ làng bol lơh ka 

Rài kis sơn đờm kơ\ lơl jap, nam pa 2019 kung geh pơr gon geh bơta krơi is pa tàm broă lơh sa. Bơh bơta dong kờl bơh gah lơh sa suơn sre càr Kon Tum, tus lồi nam 2018 jơh bal ală hìu bơnhă neh lơh gơs broă lơh ròng ka tàm tơnau dơng dà mờ tơl hìu bơnhă geh bơh g^t nđờ jơ\t thơk vuông hìu gu\. Jơnau bơceh pơgồp bal mờ broă lơh ka geh kis mờ ròng phan tàm dà neh gơ gơs ngan ngồn.

 Lơh jat bơta niam tiah ơm kis, geh bơta niam krơi is bơh [òn lơh ka tàm tiah kơh bơnơm dê, bàr pe hìu bơnhă crơng gơs bal mpồl drơng broă wă mờ jun nac nhơl chờ tus còp tiah ròng phan tam dà, drơng ală phan sa pơn rơ tàm tơnau dơng dà, bè ka kròp lu\, ka anh vũ, ka lăng Sê San.v.v…

Geh sră cih mat hìu bơnhă, geh hìu tàm hơđang ù gờl, bàr pe hìu bơnhă neh pờ anih ràng tăc phan, lơh sa kă bro dềt, lila broă lơh lơh sa, pơr gon lơh geh priă jền sùm.  

Đơs tus broă rơndap bơh xã dê tàm broă dong kờl làng bol lơh ka pơn jat tai gàr niam rài kis, ồng Chế Hồng Quyền, Chủ tịch UBND xã Ia Tơi pà g^t:   

Gơ wèt mờ làng bol 29 hìu bơnhă làng bol lơh ka tàm thôn 7, xã Ia Tơi geh dà lơgar bơcri priă dong kờl bơh uă ngan khà broă lơh chính sách. Bồ nam pa xã mut lơh ai cau lòt lơh broă bồ nam gùng lòt tàm [òn lơgar pa lòt lơh broă sa. Nam 2019 gơ wèt mờ ală hìu bơnhă làng bol lơh ka den dong kờl bè ală broă lơh ai càn priă bơcri nàng làng bol in bơcri priă tàm broă lơh sa bè lơh ka, ròng phan tàm dà. Xã geh tơrgùm đo was  tiah do nàng pà sră ai ngui ù ai làng bol in nàng làng bol iang nùs lơh sa.

Sa tềp Kỷ Hợi 2019 là sa tềp kuơ màng ngan gơ wèt mờ ală hìu bơnhă làng bol lơh ka tàm tơnau dơng dà Hìu ma\y pờ tơlik ồs đèng Sê San 4. Kuơ màng là bơh mờr 10 nam do kis tàm dà, kong mờ rài kis bòl glar tàm dà tài bơh ntrờn ơm kis khat gơboh, do là  nam sơn rờp ală làng bol lơh ka geh wă sa tềp hơđang ù gờl mờ hìu ơm niam mờ geh sră cih mat hìu bơnhă loh làng.

Geh dùl jơnau kuơ màng ngan tai lài dơ\ sa tềp nam do, dơ\ sơn rờp ală hìu bơnhă làng bol lơh ka tus bơh uă tiah krơi is geh tơl priă jền lơh ală phan sa bơhìan yau bơh [òn tờm he dê jà làng bol tàm [òn sa bal mờ wă năc dờng màng, bè phan sa mhar lơh mờ lơ u, [anh phồng tôm ka linh An Giang; mè xửng, [anh bột lọc, [ánh bèo Thừa Thiên Huế; lềr chàng mờ dà màn, biawp sràt nha giang Đồng Nai.v.v.

Nam pa mờ ală sơn đờm buơn boài bal mờ uă bơta chờ hờp neh tus mờ ală làng bol lơh ka tàm tơnau dơng dà Hìu ma\y pờ tơlik ồs đèng Sê San 4, ơm tàm xã tiah nhàr lơgar Ia Tơi, kơnhoàl Ia H’Drai, càr Kon Tum./.

Cau mblàng K’ Hạnh