Tàm dơ̆ lơh broă, 2 mpồl lơh broă tàm lùp, tàm pà bal mờng chài tàm bơtàu tơngguh lòt nhơl, gơrềng tus mờng chài lơh lòt nhơl mpồl bơtiàn, gùng dà broă rơndăp lơh tam pà bơta kwơ bơnĕ bơnà, song dơ pă loh làng; gùng dà, broă lơh dong kờl làng bol tus bal lơh lòt nhơl; kung bè gùng dà ătbồ, đơng lam lơh jăt lơh broă lòt nhơl tàm bơta lơh pràn lơh tam gơl pa sră pơ àr gơnoar ătbồ mờ mŭt gơrờm bal mờ ală lơgar.

Jăt ồng Lê Phúc Long, Phó Kwang Lam bồ Sờh Niam chài, Tàp pràn să jan mờ Lòt nhơl càr Dăk Lăk, tàm tơngai lòt lơh broă, mpồl kung lùp bơsram uă broă lơh tơrlòng lài lòt nhơl ndai tàm tiah đah Tô dà lơgar. Bơh hơ̆, jòi gùng tam gơl pa broă lơh tàm bơtàu tơngguh lòt nhơl, pơgồp bơnah tơngguh uă pràn jak ătbồ, rơhời lơh sir pơlam gùng bơtàu tơngguh lòt nhơl tàm ƀòn lơgar.