VOV4.K’ho – Tus tơngai tu\ do, jơh gùt càr Kon Tum neh geh rlau 540 lồ chi tam gơtìp trồ prang soăt dà lơh aniai mờ khà do digơlan geh sơlơ gơguh uă tai tus pơgăp 5 rbô lồ dilah tus jơh nhai 5 tus do mờ trồ kung ờ gam geh mìu sơl. Nàng dong kòi, kơphê tềng đap jơnau pơhìn gơtìp chơ\t roh jơh, ờ geh tơnhàu, cau lơh broă sa càr Kon Tum gam sơndră wơl mờ trồ prang soăt dà tàm bơta bòl glar kal ke ngan mờ hoàc hươr uă ngan, mơya cồng nha lơh geh den ờ hềt gi\t bè lơi sơl?.

Tàm trồ tơngai duh tơ àl ngan bè ồs, ồng A Danh ơm tàm [òn Kon Xút, ntum Dak Blà, [òn dờng Kon Tum, càr Kon Tum neh mờr dùl poh do lơh broă tàm kềng gah dà croh dềt nàng jồp dà tuh tàm lo\ sre rlau 2 sàu kòi sre kàl mrềt prang in. Ai tê sơ`io bol a` in tus tàm [làng sre ơnàng 4 lồ mờ uă ngan ală lo\ sre neh ro kơnra` dàng jơh ù, ồng A Danh muăt jrùm đơs: Uă hìu làng bol sơrbì sre, sơrbì te\ kòi ờ lơh tai, kòi jơh gơtìp tơngai sa ro kơnra` jơh. A` pal lòt càn priă jền nàng lơh ngan dong kờl kòi, mơya kung gam ờ hềt gi\t cồng nha bè lơi sơl. “Blơi măy, blơi ding dà, hơ\ sồng blơi zờu. Ding dà ne là 800 rbô đong, zờu den neh jơh 1 tơlak priă. Dà neh jơh sơl. Nam do, làng bol [òn Kon Xút do ngan ngồn là gơtìp jơgloh tơhìr jơh”.

Tàm ală tiah ờ gam geh dà tai, nàng dong kờl kòi, dong kờl chi tam jo\ nam, cau lơh broă sa càr Kon Tum ur ar tàm đòm jat gơ\p tờ dà tơrlung, tờ tơrlung tàm tơnau dà nàng ai dà tuh tờm phan tam in. Bồ kàl prang, priă nàng tờ dùl nơm tơrlung dà mìng jơh pơgăp 600 rbô đong dùl thơk lơm, mơya tu\ do, geh tiah gơguh uă ngan tus mờr 1 tơlak priă dùl thơk. Tàm tơngai trồ prang dờng ngan, nàng dong kờl rlau 2 lồ kơphê bơh hìu bơnhă dê, bi Phạm Xuân Bá ơm tàm [òn Tân An, ntum Ya Chim, [òn dờng Kon Tum, càr Kon Tum pal tă 20 tơlak priă nàng apah măy cho\, tờ bơtô jrô rlau 8 thơk tàm dơlam tơnau dà tơn, mơya dà căt kung mìng gơ hòr geh dùl e\t lơm gời. “Ờ go\ tơl ờ, mơya tềng đap măt kung pal lơh đau nàng dong kờl kờn chi tam in geh dà nàng kis. Pa tuh dà dùl dơ\ lơm gời, tu\ do neh gơtìp tơngai sa ro kơnra` jơh ờ gam tai ờ. Tu\ do, mìng dong kờl chi tam lơm gời. Dong kờl tus kàr lơi den dong kàr hơ\ lơm, dilah trồ prang dờng soăt dà uă tai den he tờ tơrlung dà tai nàng geh dà [ồm chi tam in”.

Jơnau pal kơlôi rơcang ngan rlau jơh tàm broă sơndră mờ trồ prang soăt dà tu\ do bơh cau lơh broă sa càr Kon Tum dê là: Khi geh lơh geh cồng nha di pal mờ dà kơlhề mờ priă jền mờ khi neh tă nàng dong kờl chi tam halà ờ, tài bơh bơta geh ngan trồ prang soăt dà geh đơs lài là digơlan geh gam jo\ jòng tai. Ồng Hoàng Đình Kim ơm tàm [òn 1, ntum Đak Lak, kơnhoàl Đak Hà, càr Kon Tum, pà gi\t: “Hìu bơnhă kung tờ sơl dùl nơm tơnau dà tàm ù sươn hìu he dê nàng geh dà tuh kòi, tơngời mờ ai dà hùc pah ngai rơpu, kơnrồ in. Dilah mờ trồ tiah gam ờ niam ngan tai bè do, den hìu bơnhă kung ờ jai sơl, tài bơh tus tu\ jiơ do dà kung neh soăt jơh sơl ờ gam geh dà tai. Kơnờm tàm trồ lơm, mơya trồ tiah ờ geh mìu tai den là ờ jai, ờ gi\t lơh bè lơi”.

Tờ klong dà ai dà tuh kơphê in

Bơta geh ngan tàm càr Kon Tum ai go\, bal mờ bơta sền gròi bơh gơnoar atbồ mờ gah lơh broă geh gơnoar dê, nàng tam dră mờ trồ prang soăt dà geh cồng nha, làng bol kờn ngan ală jơnau bơto pơlam dipal mờ loh làng ai tơl tiah, mờ tơl tờm chi tam in nàng làng bol in săc rơ wah phan tam lơi pal sơndră mờ trồ prang lài, pleh gơbàn jơnau sa den geh sa jơh, ai dilah ờ geh cồng nha den ơm mpàng tê soh gời là ờ di!

          Cau cih mờ yal tơngi\t- Lơ Mu K’ Yến