VOV4.K’ho- Tềng đăp bơta ai priă bơcri dà lơgar dê nam 2020 kờp tus ngai mờr lồi nhai 7 pa do mìng geh 30,8% lơm, lơh jăt jơnau sồr bơh Chính phủ dê mờ ală bộ, gah lơh broă dà lơgar dê, càr Kon Tum gam jơh nùs đal gi\t jơnau bơh tài gơbàn, sơ`io loh bơta ờ pràn jak gam geh bơh hơ\ geh broă lơh lơh mhar broă ai priă.

Nam do, kờp jơh broă rơndăp lơh bơcri priă kes priă dà lơgar mờ càr Kon Tum geh Dà lơgar dê jàu là rlau 2 rbô 100 tơmàn đong, tàm hơ\ priă tàm lơgar rlau 1 rbô 600 tơmàn đong mờ priă lơgar ndai rlau 500 tơmàn đong. Mơya, kờp tus mờr lồi nhai 7 pa do, càr rơ\p pa ai geh 30,82% lơm kờp jơh priă bơcri. Ồng Đặng Trần Huân Kuang ătbồ Anih tờm Dà sàng kloh mờ kloh niam tiah ơm kis càr Kon Tum dê, do mpồl cau tờm bơcri priă 30 rơndăp broă lơh rlau 52 tơmàn đong priă càn Ngân hàng Dunia dê lơh dà [òn lơgar in, gơ wèt Broă lơh rề ơnàng broă lơh kloh niam Dà sàng kloh [òn lơgar jăt tàm cồng nha pà go\, tus lồi nhai 7, anih do rơ\p mìng ai geh 8,5%. Jăt ồng Huân đơs, geh 2 jơnau tờm gơlam tus bơta pa yal kờ` pal mhar geh tă bơsong: Dơ\ dùl gơkòl tàm broă lơh tơm priă ai ù, ngan là ală broă lơh dờng gơkòl ngan. Dan ală tiah geh rơndăp broă lơh tàm do pơn jăt tai pơgồp bal mờ ală anih lơh rơndăp broă lơh să tờm tơn sồr bơsong bơta gơkòl tàm broă lơh tơm priă mờ ai ù. Bơta dơ\ bàr tai kung dan đơs mờ bàr pe anih lơh broă geh gơrềng bơh Broă lơh dê pơgồp bal mờ ală anih ătbồ priă nàng tàm broă lơh sră pơ àr ai priă pleh bơta tam gơl wơl uă dơ\.

Dùl anih gơkòl ai ù rơndăp broă lơh tàm tơrbo\ gùng Hồ Chí Minh lòt tus gùng rơndeh dờng 24

Bơta geh ngan pà go\, 24 rơndăp broă lơh geh măt tàm sră cih mat ai priă lơyaì bơh càr Kon Tum dê jơh ală là ală rơndăp broă lơh dờng mờ geh bal dùl jơnau bơh tài gơbàn là tài bơh gơkòl tàm broă ai ù. Bè, rơndăp broă lơh gùng lòt tàm tơrbo\ bal bơh gùng Hồ Chí Minh lòt tus gùng rơndeh dờng 24, bơh Mpồl 98 lơh cau tờm bơcri priă mờ kờp jơh broă rơndăp lơh priă bơh bơnah priă trái phiếu Chính phủ dê nam 2020 rlau 228 tơmàn đong rơ\p pa ai ờ hềt geh 16% lơm; Rơndăp broă lơh tơnau dơng dà Đăk Pokei tơngai dơ\ 1 bơh Mpồl ătbồ bơcri priă lơh ală broă lơh Lơh broă sa sươn sre mờ Bơtàu tơnguh [òn lơgar lơh cau tờm bơcri priă mờ kờp jơh broă rơndăp lơh priă [òn lơgar dê nam 2020 rlau 27 tơmàn đong rơ\p mìng pa ai geh 15,1% lơm. Mờ geh tu\ là 3 rơndăp broă lơh bơh Anih tờm bơtàu tơnguh bă ù càr dê lơh cau tờm bơcri priă bal mờ kờp jơh priă [òn lơgar dê 65 tơmàn đong ờ hềt ai geh dùl đong lơi.Bal mờ jơnau bơh tài gơbàn gơkòl tàm broă ai ù, càr Kon Tum kung sơ`io geh jơnau bơh tài gơlam tus bơta ai priă lơyaì gam là tài bơh ală lơyaì tàm broă lơh gơs sră nggal rơndăp broă lơh bơcri priă jăt jơnau sồr; gơ wèt mờ ală rơndăp broă lơh ODA tài bơh gơkòl tàm sră pơ àr tơm priă; bàr pe bơnah priă ai bơh dà lơgar kung rơ\p mìng pa geh jàu ai tiah do in sơl.       Gi\t ai priă bơcri dà lơgar là kơnòl broă chính trị tờm kuơmàng, đal gi\t geh jơnau bơh tài gơbàn, ờ pràn jak gam geh, càr Kon Tum gam krà` cê jơh nùs sồr cau tờm bơcri priă ală rơndăp broă lơh rwah 2 broă bơtàu tơnguh mhar, là bơsong jơh bơta gơkòl tàm broă ai ù mờ lơh mhar broă tơn ru\c lơyah ngan rlau jơh tu\ tơngai lơh ală kơnòl broă bơh tàm sră pơ àr tus dì tu\ lơh ngan ngồn tàm tiah lơh broă.

Lơh mhar broă lơh gùng Hồ Chí Minh gơl pleh [òn dờng Kon Tum

Ồng Đàm Phúc Tuyên, Kuang ătbồ Mpồl ătbồ rơndăp broă lơh bơcri priă lơh ală broă lơh gùng lòt càr Kon Tum, pà gi\t: Tu\ do, dơ\ dùl là cau thầu pal tơnguh tai măy mok phan ngui lơh broă, tơnguh tai tu\ jiơ lơh broă. Hơ\ sồng ai tơngai lơh broă jăt poh. Mờ Mpồl ătbồ rơndăp broă lơh mờ cau tờm bơcri priă kung geh jăt sền tu\ tơngai lơh broă. Ờ tơl uă bơnah lơi den bơsir tơn bơnah hơ\ mờ sùm pơrjum tàm jàu broă lơh tàm tiah lơh broă pah poh. Bè ai priă jền, lài ngan bè đah tiah ngan ngồn bơnah broă pal lơh gơs. Bơta dơ\ 2 là bè bơta dơlam is broă lơh jơh ală sră nggal lơh gơs broă lơh, sră nggal ătbồ bơta niam lơh gơs geh tơl cơng tàng nàng ai priă.

          Cau cih Khoa Điềm- Cau mblàng Lơ Mu K’Yến