VOV4.K’ho – Tàm càr Kon Tum pa gơbàn tai dùl dơ\ khih tài bơh sa bơ sềt brê lơh 3 nă cau tàm dùl hìu bơnhă pal tus hờ hìu sơnơm nàng geh dong kờl.

Dơ\ khih tài bơh sa bơ sềt brê gơlik geh tàm ngai 30/5 tàm hìu bơnhă bi A Iếc, [òn Ri Mẹt, ntum Đak Môn, kơnhoàl Đak Glei, càr Kon Tum. Tơnơ\ dơ\ sàu drim bal mờ biăp bơ sềt hìu bơnhă pik is tàm sươn pơgăp 1 jiơ, jơh bal pe nă cau hìu, tàm hơ\ geh bi A Iếc (42 sơnam), bi A Dui (37 sơnam) mờ bi ùr Y Dơm (45 sơnam) ndrờm geh bơta gơ tơngo\ gơtìp sơnguài bồ, gơtuh hă, mờ gơ jroh è. Tơnơ\ tu\ cau tàm hìu bơnhă lòt jun tus hờ Cơldu\ kham uă kòp tiah Đak Môn dong kờl, bàr nă cau gơtìp khih kơn jơ\ là bi A Dui mờ bi ùr Y Dơm geh jun tus hờ Hìu sơnơm dờng càr Kon Tum. Tus gùl ngai òr, bulah kung gam sơl jê ndul gùt dar klo\, jê bồ, sơnguài bồ mờ gơtuh hă mơya jơh bal bàr nă cau gơtìp khih do neh gơlơh sar wơl să jan. Lài hơ\, kung tàm kơnhoàl Đak Glei, tàm ngai 22/5, tàm [òn Nú Vai, ntum Đak Kroong neh gơlik geh dùl dơ\ khih bơ sềt brê lơh 5 nă cau tàm dùl hìu bơnhă pal tus hờ hìu sơnơm nàng cau lơh sơnơm in dong kờl.

Cau cih mờ yal tơngi\t- Lơ Mu K’ Yến