VOV4.K’ho – Sùm tàm ală ngai do, pôs ling sền gàr tiah nhàr dà lơgar mpồng nhàr lơgar dunia Bờ Y, càr Kon Tum neh sền go\, kup bàn yă dơ\ pơndiang ờm phàu  pơ àr bơh lơgar Lào rê hờ Việt Nam.

Tàm mho òr 20/1, pôs ling sền gàr dà lơgar mpồng nhàr lơgar dunia Bờ Y pơnjat tai git go\ 1 dơ\ pơndiang phàu pơ àr  tai bơh lơgar Lào rê hờ Việt Nam. Cau gơtìp kup là Dương Văn Bắc, 25 sơnam, ơm tàm ntum Vực Trường, kơnhoàl Tam Nông, càr Phú Thọ, là cau lơh broă bơh mpồl lơh sa kă bro Sông Đà 6 gam mut lơh hìu mai\ pờ tơlik ồs đèng tàm lơgar Lào. Phan kup bàn là dùl kơldung phàu bơkàu pơ àr bơrtoh kơn jơ\ 1 ki\ geh 49 nai. Bắc pà git, blơi phàu pơ àr tàm lơgar Lào cèng rê chu nhơl tàm dơ\ sa tềp. Thiếu tá Phạm Tiến Dũng, lơh broă gah gùng dră bal pôs ling sền gàr dà lơgar mpồng nhàr lơgar dunia Bờ Y pà git, 1 nhai do, mpồl do neh sền go\ 4 dơ\ pơndiang ờm phàu pơ àr bơh lơgar Lào rê hờ lơgar Việt Nam mờ 6 nă cau mut lơh, kup geh 44,8 ki\ phàu pơ àr, lơh glài 110 tơlak priă.

                                                                       Cau cih mờ yal tơngit K’ Duẩn.