VOV4.K’ho - Tàm ală ngai do, rlau 1 rbô hìu bơnhă làng bol bal mờ rlau 4 rbô nă cau tàm xã Tân Lập, kơnhòal Kon Rẫy, càr Kon Tum gam kơp gơn ngai pah ngai rbàng bê tông bă gan dà dờng Đăk Pne lơh gơs. Geh rbàng, bal mờ broă dong làng bol tơn jơh bơta lòt gùng ngài phan lơh gơs bơh suơn sre neh gơtùi pơndiang mờ rơndeh rơndồ, rbàng gam là rùp bơh nùs nhơm tam klac đah làng bol mờ gơ noar atbồ tàm [òn lơgar tàm broă bơt bơtàu [òn lơgar pa. Tài bơh nàng gơtùi geh ù lơh rbàng mờ gùng lam mut, 8 hìu bơnhă làng bol tàm thôn 6, xã Tân Lập neh ai is rlau 2 lồ ù.

Tàm 8 hìu bơnhă làng bol tàm thôn 6, xã Tân Lập, kơnhòal Kon Rẫy ai is ù lơh rbàng den hìu bơnhă bi Nguyễn Ngọc Hùng là hìu bơnhă ai is ù ua\ ngan rlau jơh bal mờ 2 rbô 630 thơk vuông. Bă ù mờ hìu bơnhă bi Hùng ai is dà lơgar in geh ù ơm, ù lơh sa mờ 145 tờm kơphe gam tàm tơngai tơnhàu nam dơ\ 9.

Yal bè bơta sơ nơng bi dê lài mờ tu\ lơh nền a is dùl bơnah jơtài kuơmàng ngan rlau jơh bơh cay lơh broă sa dê nàng gơnoar atbồ tàm [òn lơgar lơh gùng, lơh rbàng, bi Nguyễn Ngọc Hùng pà git: “Cau lơh broă sa den ù là jơtài kuơmàng ngan rlau jơh, den tàng bulah đơs bè lơi den bơta lơh nền kung gam pal geh bơta bơyai bal mờ ring bal tàm hìu bơnhă. Să tờm a` kung hòi jà bau kòn tàm hìu bơnhă ring bal mờ gùng dà bơh dà lơgar dê jat broă lơh là dà lơgar mờ làng bol lơh bal, he ai is ù nàng lơh broă lơh, cèng wơl bơta kuơ ai [òn lơgar in, nàng dong bơtàu tơnguh lơh sa”.

Bi Nguyễn Ngọc Hùng (ơm dơ\ 2 bơh đah ma) kềng suơn kơphe hìu bơnhă dê lài mờ tu\ ai is ù lơh gùng lam tus rbàng

Bal mờ hìu bơnhă bi Nguyễn Ngọc Hùng, gam 2 hìu bơnhă làng bol tai tàm thôn kung ai is ua\ ù mờ phan geh bơta kuơ dờng ngan là hìu bơnhă bi Nguyễn Thị Ngát, ai is 2 rbô 464 thơk vuông ù, bi Ngô Thị Tuyết Suơng ai is 13 thơk ù rềp mat gùng rơndeh 24, tu\ do dùl thơk tac pơgap 30 tơlak đông. Kờp jơh 8 hìu bơnhă làng bol tàm thôn 6, xã Tân Lập neh ai is dà lơgar in rlau 2 lồ ù nàng lơh rbàng, lơh gùng.

Bơta kuơmàng mờ pal sền ngềr ngan rlau jơh là jơh ală hìu bơnhă ai is ù ndrờm geh bal bơta sơnơng hơ\ là tài bơta kuơ bal. Bi Nguyễn Thị Ngát đơs: “Gùng lòt bal mờ rbàng lòt gan mìr hìu bơnhă a` dê, a` chờ hờp ngan. Ờ di là mìng dùl nă a` mờ git nđờ nă cau ndai geh mìr đah do sơl. Bơta kuơ lài ngan là dilah geh phan lơh gơs bơh suơn sre halà ală bơta ndai mờ he tac bro den ờ gơtìp bơ klơn khà pria\. Lài do kàl mìu làng bol kờ` tac phan lơi kung ờ gơtùi tài bơh lòt gan dà dờng den dà tih ngan. Đah thôn 6 bol hi do tu\ kờ` tac phan den pal ơpah cau pơndiang phan rê hờ đah ne. Làng bol kơp gơn ngan geh rbàng dờng nàng rơndeh dờng in gơtùi lòt rê”.

Ală ngai sơn rờp lơh rbàng bă gan dà dờng Đăk Pne

Ồng Đặng Tuấn Tịnh, Chủ tịch UBND xã Tân Lập, kơnhòal Kon Rẫy pà git, kung bè tàm thôn 6, ală hìu bơnhă tàm 5 thôn gam wơl tàm xã ndrờm geh nùs nhơm tài bơta kuơ bal. Do là bơta kuơmàng ngan nàng xã lơh jơh 19 broă lơh, tơl khà [òn lơgar pa tàm nam 2019 pa do: “Ờ mìng is tàm thôn 6 gời, mờ jơh gùt xã do ndrờm ring bal lơm. Đơs bal là dà lơgar sồr broă lơi den làng bol dong kờl bơta hơ\, ờ lơh gơbàn kal ke. Pa do, lam lơh broă lơh bơt bơtàu [òn lơgar pa den xã ai is ù ua\ ngan. Ai is ù, ai is chi tam đơs bal là ờ dan tơm wơl pria\. Làng bol ring bal 100%”.

Rbàng bê tông [ă gan dà dờng Đăk Pne tàm thôn 6, xã Tân Lập, kơnhòal Kon Rẫy jòng 99 thơk, mìng is bơnhă gùng lam mut hờ rbàng jòng 460 thơk bal mờ kờp jơh pria\ tă lơh rlau 21 tơmàn đông bơh kes pria\ càr Kon Tum mờ kơnhòal Kon Rẫy dê. Kơnờm geh bơta ring bal 1 nùs ai is ù bơh 8 hìu bơnhă làng bol tàm thôn 6 mờ tơngai lam lơh rbàng geh chồl mhar. Gơnoar atbồ tàm [òn lơgar mờ mpồl tờm lơh rbàng gam lơh ngan lơh gơs lài mờ nhai 8 nam do nàng di tu\ gờm chờ pơrjum Đảng bộ kơnhòal, gờ` rlau 1 nam pơn drờm mờ broă rơndap lơh.

Cau mblàng K’Duẩn