VOV4.K’ho -  Bè broă  mut lơh tam klac bal 4 gah là “Cau lơh broă sa, dà lơgar, cau jak chài mờ mpồl lơh sa kă bro” cèng wơl uă bơta kuơ ngan ngồn làng bol lơh broă sa in, ngan là gơ wèt mờ làng bol kòn cau. Do là jơnau pà git bơh Anih duh broă làng bol càr Kon Tum dê tàm dơ\ pơrjum sền mờ đơs tơnơ\ 10 nam mut lơh broă lơh do geh bơyai lơh ngai òr, 27/8, tàm kơnhòal Đak Hà. 10 nam do, geh rlau 342 rbô tấn phan lơh gơs bơh suơn sre, uă ngan là tàu, kơphe, kau su, bùm blàng….làng bol lơh broă sa càr Kon Tum lơh gơlik neh tac [uơn ngan tài kơnờm geh bơta tam klac bal mờ mpồl lơh sa kă bro. Ală cau jak chài, gah, mpồl lơh broă geh gơnoar tàm [òn lơgar mut lơh 15 tơngume kơ lôi sơnơng, broă lơh sa sac rơ wah uă sơntìl chi tam geh cồng nha tơnhàu, bơta niam uă, dong làng bol lơh broă sa tơnguh priă lơh geh uă rlau bơh 1 dơ\ gùl tus 2 dơ\ tàm dùl bă ù bal. Ồng Lê Ngọc Sơn, ơm tàm [òn drà Đak Hà tam bơkàu tàm bă ù ơnàng 6 sàu, lơh geh 20 tơlak priă pah nhai pà git: “ Tam klac 4 gah ai geh bơta niam làng bol lơh broă sa bol a` in geh dờp git bơta chài lơh broă. A` geh Anih duh broă làng bol kơnhòal sền gròi bơcri priă, Gah Khoa học mờ công nghệ càr, cơldu\ lơh sa phan bơna sền gròi ai ờ uă bơta sơntìl bơkàu geh bơta niam uă bè sơntìl bơkàu ly bơh Hà Lan dê halà sơntìl bơkàu Đồng tiền Hà Lan gơs niam ngan mờ ờ gơtìp kòp tu sa aniai, tơnguh priă lơh geh pah nam, dong làng bol geh broă lơh kơljap.”

                                                                                                                          Cau mblàng K' Duẩn.