VOV4.K’ho – Mờ jơnau đơs “Ai bơta niam nùs bơh mpồl bal, cau dùl nă să dê là khà đo was bơta niam mờ cồng nha drơng broă”, Tiah tờm drơng broă hành chính dà lơgar càr Kon Tum gam lơh ngan lam lơh niam broă lơh niam wơl hành chính càr dê.

                                   Dùl gah Tiah tờm drơng broă hành chính dà lơgar càr Kon Tum

Tàm 6 nhai bồ nam do, Tiah tờm drơng broă hành chính dà lơgar bơh càr Kon Tum dê neh dờp mờr 17 rbô 600 sră nggal, tàm hơ\ geh mờr 15 rbô sră nggal dờp tơn, rlau 1 rbô 100 sră nggal dờp jat broă lơh pờ tơlik tơn tàm internet. Ală sở, mpồl, gah broă lơh bơh càr dê neh bơsong rlau 15 rbô 600 sră nggal, tàm hơ\ geh 13 rbô 900 sră nggal bơsong lài mờ di tơngai pơrgon, geh rlau 89%.

Gơ wèt mờ sră nggal dờp jat broă lơh pờ tơlik tơn tàm internet geh khà bơsong gờ` mờ di tơngai pơrgon là 100%. Bal mờ hơ\, Tiah tờm drơng broă hành chính dà lơgar càr Kon Tum kung cribơyai UBND càr mờ ală kấp, ală gah broă lơh bơh càr dê in lam lơh niam tơngume tờm lơh niam wơl sră nggal hành chính.

Cau mblàng K’Duẩn