VOV4.K’ho- Tàm tiah Tây Nguyên dơ\ sa tềp kung là tơngai sơnđờm mu\t tàm tơngai tờm bơh kàl prang dê, mìng geh dùl êt ồs lơm kung digơlan lơh gơbàn ồs sa brê sơl. Tềng đăp bơta do, tàm ală ngai sa tềp tơn, ală mpồl cau tờm brê mờ làng bol tơrgùm jơh mpồl cau drơng sền sùm nàng rơcăng sơndră ồs sa brê.

Tàm trồ tơngai duh tơr ồ ngan bè ồs rơnga, kềng dùl nơm gùng kòn mu\t tàm ală bă brê gơ wèt bă brê 279, ù tiah xã Đăk Rơ Nga, kơnhoàl Đăk Tô, 2 nă bi sơnđan măt là A Sướt mờ A Cường tàm pà bal bơnah mbar klơm cèng jăt bal tàm să nàng sa. Bi A Cường pà gi\t, làng bol [òn Đăk Kon dờp ătbồ mờ sền gàr 270 lồ brê bơh Công ty Trách nhiệm Hữu hạn Một thành viên Lâm nghiệp Đăk Tô dê nàng dờp priă drơng broă sền gàr brê. Kàl prang nam lơi kung bè hơ\ lơm, ngan là tàm ală ngai lài, tàm mờ tơnơ\ dơ\ sa tềp bơhiàn dà lơgar dê, làng bol [òn lơgar ai gi\t nđờ jơ\t nă cau tus drơng gak rơcăng sơndră ồs sa brê ngai kung bè mang sơl. Bi A Cường, đơs: Tàm ngai sa tềp drơng sền sùm ngai kung bè mang, kuơmàng là sền gàr brê ngòt brê gơtìp ồs sa. Drơng gàr tàm ngai sa tềp, ờ sa tềp kung pal drơng sền sơl, drơng sền sùm jơh ală ngai kàl prang tơn tài bơh ngòt brê gơtìp ồs sa. Pah ngai, he pal sùm lòt sền. Jơh dùl [òn drơng sền jơh, tàm ala gơ\p lòt sền.

Lòt sền drơng sền ồs brê tàm ală ngai sa tềp tàm bă brê 279, xã Đăk Rơ Nga, kơnhoàl Đăk Tô

Sa tềp do tàm ală bă brê bơh càr Kon Tum dê, gi\t nđờ rbô nă kuang bàng, cau lơh broă bơh ală mpồl cau tờm brê mờ làng bol dê kung gam drơng gàr sùm, lòt sền tơrgùm jơh pràn drơng sền ồs brê. Geh gi\t là dùl tàm ală tiah [ươn gơbàn ồs sa brê bơh càr Kon Tum dê, tàm dơ\ sa tềp nam do, Mpồl ătbồ Brê dà lơgar Chư Mom Ray gàr sùm 14 anih lơh broă, 20 anih drơng sền nàng rơcăng sơndră ồs sa ai rlau 56 rbô 200 lồ brê bơh mpồl dê. Ồng Đào Xuân Thủy, Kuang ătbồ Mpồl ătbồ brê dà lơgar Chư Mom Ray pà gi\t, broă lơh rơcăng sơndră ồs sa brê bơh mpồl dê geh lơh jăt jơnau đơs 4 tơn dùl bă tiah mờ kuơmàng tơnguh uă nùs nhơm kơrhia rơcăng ngăc mờ ồs brê tàm ală ngai sa tềp. Ồng Đào Xuân Thủy, đơs: Bol a` tơrgùm ai broă lơh lòt sền, drơng sền tàm ală tiah kuơmàng geh pơhìn ồs sa uă. Bơyai lơh ală anih drơng sền tơn tàm ală tiah geh uă mìr mờ dơ\ bàr là tàm ală gơl gùng. Oh mi pal lơh ngan bơsong tam pà mpồl dềt nàng lòt sền jơh ală tiah nàng di tu\ sền gròi kung bè là tơngkah ală cau lòt rê kung bè mu\t tàm brê bơh mpồl dê nàng mblàng yal, tơngkah làng bol. Tu\ mờ geh jơnau lơi den geh hòi tơrgùm ală mpồl cau geh gơrềng tàm tiah he dê nàng di tu\ sơndră wơl.

Bal mờ ală broă lơh, bè lơh kơ\ kơl jăp, lơh pa gi\t nđờ rbô kơi sồ gùng nhàr bò, gùng pơrgan kơryan ồs; tam pà mpồl cau drơng gàr sùm ngai kung bè mang tàm ală tiah kuơmàng [ươn gơbàn ồs sa brê, rơcăng bè mpồl cau, phan bơna tu\ geh jơnau gơlik geh… tàm ală ngai sa tềp tơn, ală mpồl cau tờm brê tàm Kon Tum kung ai cau tus tàm tơl thôn, [òn nàng gờm chờ nting bơr sa tềp mơkung là nàng gi\t broă rơndăp lơh chu tơdau mìr bơh tơl hìu bơnhă dê nàng geh broă lơh drơng sền ồs sa gơ rề tus tàm brê. Ông Lê Viết Bẩy, Kuang ătbồ Công ty Trách nhiệm hữu hạn Một thành viên Lâm nghiệp Kon Rẫy, pà gi\t: Tiah lơi mờ geh làng bol lơh mìr den Công ty neh pơgồp bal mờ gơnoar ătbồ tàm tiah hơ\ mblàng yal, hòi jà làng bol tàm ală tu\ lơh broă sươn mìr den ờ go\ di lơh gơrềng tus broă lơh rơcăng sơndră ồs sa brê. Gơ wèt mờ tơl hìu bơnhă lơh sươn mìr den pal cih yal bè tu\ jiơ, tu\ tơngai chu tơdao mìr nàng bal mờ mpồl cau sùm lơh kơnòl broă sền gàr bơh Công ty dê mờ ală mpồl cau hơ pơrgon ndai tus bal mờ hìu bơnhă nàng chu tơdau mìr nàng kờ` sền gàr niam tàm broă lơh rơcăng sơndră ồs sa brê.

Gùng pơrgan kơryan ồs tàm xã Đăk Kôi, kơnhoàl Kon Rẫy 

Tàm trồ tơngai duh tơr ồ ngan bơh kàl prang Tây Nguyên dê, tàm ală ngai sa tềp bơhiàn dà lơgar nam Tân Sửu pa do, geh uă cau sền gàr brê tàm Kon Tum kơ\ dơn nùs nhơm drơng sền ồs nàng sền gàr bơta tơlir bơh brê dê. Bơta chờ hờp sa tềp dờng ngan rlau jơh bơh khi dê là kơryan geh ồs, sền gàr geh brê tềng đăp kàl prang dờng kal ke ngan.  

            Cau cih Khoa Điềm- Cau mblàng Lơ Mu K’Yến