VOV4.K’ho -  Mho òr (27/4), anih duh broa\ te\ khà càr Kon Tum neh yal sra\ mat ngan ngồn bơh ala\ cau tơlik mat te\ khà kuang bàng Gơnoar ala mat dà lơgar kơna\ XIV mờ mpồl duh broa\ ala mat làng bol càr, tơngai bơh nam 2016-2021.

Pơnjat hơ\, càr Kon Tum geh 10 na\ cau tơlik mat te\ khà kuang bàng Gonoar ala mat dà lơgar kơna\ XIV, tàm hơ\ geh 2 na\ cau kuang la dà lơgar dê mờ 8 na\ cau kuang la ala mat càr. Tàm 8 na\ cau tàm càr geh tơlik mat te\ khà kuang bàng gơnoar ala mat dà lơgar geh 7 na\ la cau kòn cau, 3 na\ la cau ùr, 5 na\ la cau hơđơm 40 sơnam mờ 1 na\ cau la geh tơlik mat pồ wơl.Bè khà cau tơlik mat te\ khà kuang bàng Mpồl duh broa\ ala mat làng bol càr, tơngai lơh broa\ bơh 2016-2021 geh 83 na\ cau. Càr crơng gơs 2 mpồl te\ khà kuag bàng Gơnoar ala mat dà lơgar tàm 2 mpồl te\ khà mờ 13 gah te\ khà kuang bàng Mpồl duh broa\ ala  mat làng bol càr. Jat geh cih càr Kon Tum geh pồ 6 na\ kuang Gơnoar ala mat dà lơgar kơna\ XIV mờ 50 na\ kuang  tàm  mpồl duh broa\ ala mat làng bol càr tơngai lơh broa\ bơh nam 2016-2021.

            Cau cih mờ yal tơnggit K’ Brọp