VOV4.K’ho- Tàm pơn jat ală broă lơh kah ưn ngài cau ngui đèng, ngai 25/11, tàm hìu bơsram kấp 1 La Văn Cầu tàm Cụm làng bol ơm kis sồ 8, xã Dak R’măng, kơnhòal Dak Glong, càr Dak Nông, Kong ti ồs đèng Dak Nông neh bơyai lơh broă lơh “Àu ram oh in” nam 2020.

                                                                                                      Crăp ồs đèng

                                                                           Pà ào ram mờ phan kơnòm bơsram in

Kong ti ồs đèng Dak Nông neh pà 74 blah àu ram mờ ală bơnah phan geh kèu, dà toh… ai ală kơnòm bơsram tàm hìu bơsram do in. Kung tàm do sơl, kong ti ồs đèng Dak Nông neh crap pà hìu bơsram in đèng mat tơngai hơ đang rơkàng hìu geh bơta pràn 400W mờ đèng sòl àng drơng 4 cơldu\ bơsram in.

Geh git, hìu bơsram kấp 1 La Văn Cầu pa lơh bồ nam do tàm Cụm làng bol ơm kis sồ 8, xã Dak R’măng, là tiah ờ hềt geh đèng. Đèng mat tơngai geh jàu pà geh pơgồp bơnah drơng broă bơ to bơtê mờ bơsram ai kơnòm bơsram kòn cau tàm tiah kal ke do in.

Cau mblàng K’Duẩn