VOV4.K’ho – Drim òr, 07/10, mpồl đơng lam Đảng, Mpồl duh broă ala mat làng bol, Anih duh broă làng bol, Anih duh broă Gah tề lam gùng dră bal dà lơgar kơnhoàl Buôn Đôn, càr Daklak bơyai lơh tơngkah 20 nam ngai crơng gơs kơnhoàl mờ dờp sră jờng rơ bơh Kuang gơs gơnap gơnoar atbồ hơđang rlau jơh dà lơgar dê.

Buôn Đôn là kơnhoàl tiah nhàr lơgar bơh càr Daklak dê rềp mờ lơgar Campuchia, geh crơng gơs ngai 7/10/1995, geh tam cah bơh kơnhoàl Ea Sup. Tơnơ\ 20 nam bơt bơtàu mờ bơtàu tơnguh, broă lơh sa – mpồl bơtìan bơh kơnhoàl Buôn Đôn dê neh geh bơta tam gơl tơl làm. 5 nam pa do, khà gơguh lơh sa pah nam geh mờr 10%, broă lơh sa gơguh mờr 19 dơ\ pơndrờm mờ ngai pa crơng gơs; priă lơh geh tàm dùl nă cau tàm nam 2015 kờp du\ geh mờr 20 tơlak priă. Là kơnhoàl tiah nhàr lơgar gam uă kal ke, geh uă làng bol kòn cau ơm kis, Buôn Đôn sùm geh Đảng, Dà lơgar mờ càr Daklak sền gròi bơcri priă. 10 nam do, kơnhoàl neh geh dà lơgar bơcri 500 tơmàn priă nàng bơt bơtàu phan bơna, jơh ală gùng lòt tàm ală ntum neh geh lă mờ cài; bơ tơt rơbòng dà drơng 70% bă ù lơh sa suơn sre, jơh ală ntum neh geh gùng che đèng dà lơgar, broă lơh sơnơm, bơto bơsram mờ gàr tơl niam rài kis mpồl bơtìan geh lơh niam, ngap lơngai gùng dră bal mờ ờ do ờ dă gùt mpồl bơtiàn geh gàr kơ\. Mờ ală cồng nha lơh geh tàm 20 nam do, mpồl Đảng, gơnoar atbồ mờ làng bol ală kòn cau kơnhoàl Buôn Đôn geh Kuang gơs gơnap gơnoar atbồ hơđang rlau jơh dà lơgar pà sră jờng rơ.

                                                                 Cau cih mờ yal tơngit K’ Duẩn.