VOV4.K’ho - Tàm ală nam do, bal mờ broă sền gròi bơcri priă bơh dà lơgar, broă lơh gùng lòt tàm [òn tàm kơnhoàl Cư\ Jút, càr Dak Nông geh tơnguh bơtàu uă. Bơh broă lam sồr, neh geh g^t nđờ rơbô hìu làng bol neh ai is ù, tă priă nàng lơh gùng lòt tàm [òn, pơgồp bal tàm broă lơh muh măt [òn lơgar tàm kơnhoàl Cư\ Jút, càr Dak Nông ngai sơlơ niam.

Ai gùng lòt tàm [òn là dùl tàm ală broă lơh gơtìp kal ke ngan nàng lơh geh tàm “Khà broă dà lơgar ai bè bơ\t bơtàu [òn lơgar pa”. Den tàng, tơnguh bơtàu broă lơh gùng lòt tàm [òn pơgồp bal mờ broă lơh jăt jơnau kờ` Dà lơgar bơ\t bơtàu [òn lơgar pa geh kơnhoàl Cư\ Jút, càr Dak Nông ai là kơnòl tờm. Pah nam, cấp uỷ, gơnoar atbồ tàm do tơrgùm đơng lam ală anih lơh broă, gah lơh broă tờm tàm UBND ală xã bơyai lơh sền wơl, lơh rơndăp broă mờ ai geh jơnau đơs tus mờ ală tơl gùng ai lài bơcri priă lơh.

                                                Làng bol tus bal lơh gùng lòt tàm [òn

Nàng lơh mùl màl jơh broă tơnguh bơtàu gùng lòt tàm [òn, bơdìh mờ khà priă dong kờl bơh Dà lơgar, bơh càr, kơnhoàl Cư\ Jút gam rơcang tàm broă hòi jà, tơrgùm bơcri priă bơh ală mpồl lơh broă, mpồl lơh sa kă bro, tă pơgồp bơh làng bol nàng lơh gùng. Mìng kờp is tàm tơngai bơh nam 2016 tus 2020, gùt kơnhoàl Cư\ Jút neh hòi jà tă geh mờr 250 tơmàn đong nàng bơcri tàm broă bơ\t bơtàu [òn lơgar pa; tàm hơ\ làng bol mờ ală mpồl lơh sa kă bro tă geh mờr 44 tơmàn đong, gam tai là bơh kes priă Dà lơgar dong kờl.

Kơnhoàl neh lơh niam gùng dà broă lơh “Làng bol g^t, làng bol cri bơyai, làng bol lơh mờ làng bol sền gròi”. Jăt mờ hơ\, jơh ală broă lơh gơrềng bal tus mờ rài kis broă lơh sa làng bol dê ndrờm geh ai tơl^k lơh làng tềng đăp măt làng bol, tài làng bol kis tàm [òn, tàm xã cri bơyai bal lơh tờm hơ\ sồng bơyai lơh di pal. Gam gơnoar atbồ mìng geh gơnoar ai gùng dà broă lơh, ai geh cơ chế, broă lơh mờ ală broă dong kờl nàng làng bol lơh jăt ală gùng dà broă lơh bal.

                                  Dùl tiah [òn tu\ do tàm xã Tâm Thắng, kơnhoàl Cư\ Jút

Tài geh nùs nhơm ring bal uă bơh làng bol, den tàng broă ai geh ù tiah nàng lơh gùng [uơn ngan. Ai geh ù tiah tus tàm tiah lơi ală hìu làng bol kis jăt gah gùng ai is ù mờ ờ pal tơm ntrờn. Ală cấp, ală gah lơh broă bơh kơnhoàl tus ală xã ai ală broă lơh ndrờm pal di pal mờ nùs nhơm kơ\p kờ` bal mờ bơta kuơ làng bol dê. Kơnờm mờ hơ\, broă ai ù lơh gùng lòt tàm ală [òn neh geh dờp bal bơh jơh ală làng bol. Tơnơ\ mờ rơlao 10 nam bơ\t bơtàu [òn lơgar pa, tus tu\ do kơnhoàl Cư\ Jút, càr Dak Nông neh geh rơlao 170 kơi sồ gùng lòt tàm xã geh dă mờ cài, mờ bêtông, geh rơlao 70% khà jòng gùng lòt tàm gùt kơnhoàl. Tu\ do neh geh 5 tàm 7 xã kơnhoàl dê neh lơh gơs khà broă bè gùng lòt.

Tus tu\ do, tiah tờm xã Nam Dong neh geh dờp [òn drà khà 5; thị trấn Ea T’Ling geh dờp [òn drà khà 4. Gùt kơnhoàl geh 6 tàm 7 xã geh khà [òn lơgar pa. Gơtùi đơs: cồng nha bơh broă tơnguh bơtàu gùng lòt tàm [òn pơgồp bal mờ bơ\t bơtàu [òn lơgar pa tàm kơnhoàl Cư\ Jút là kơnờm mờ broă tus bal bơh ală mpồl lơh broă chính trị, broă lam lài bơh kuang bàng, cau geh đảng mờ nùs nhơm ring bal bơh làng bol. Do là bơta tờm nàng kơnhoàl lơh geh cồng nha gùng dà broă lơh bơh Đảng tàm broă lơh jăt broă bơ\t bơtàu [òn lơgar pa, chồl pràn broă lơh sa mpồl bơtiàn tàm kơnhoàl tơnguh bơtàu.

Ồng Nghiêm Hồng Quang, Chủ tịch UBND kơnhoàl Cư\ Jút, càr Dak Nông pà g^t: Kờ` lơh geh cồng nha broă tơnguh bơtàu gùng lòt tàm [òn tơngai bơh nam 2020 tus 2025, kơnhoàl pơn jăt tai hòi jà bơta pràn bơh kes priă Dà lơgar, ală broă lơh jăt jơnau kờ` dà lơgar, lam sồr ală mpồl lơh broă, cau dùl nă să tă pơgồp bal nàng lơh niam ală gơl gùng tàm kơnhoàl, gùng tàm xã, lơh pa mờ dă mờ bêtông ală gơl gùng lòt tàm [òn, lơh gùng tàm [òn lơgar pơgồp bal mờ broă bơ\t bơtàu [òn lơgar pa. Lơh ngan tus nam 2025 gơs kơnhoàl [òn lơgar pa, geh bơh 2 tus 3 xã geh khà [òn lơgar pa tơnguh uă; xã Nam Dong gơs thị trấn - [òn drà khà 5; thị trấn Ea T’ Ling tơnguh bơtàu gơs thị xã – [òn drà khà 4 tus nam 2030.

Cau mblàng Ndong Brawl