VOV4.K’ho- Tàm 3 ngai, bơh ngai 28- 30/7 neh geh lơh Pơrjum dờng cau ala măt Đảng bộ kơnhoàl Dăk Mil, càr Dăk Nông dê tơngai lơh broă bơh nam 2020- 2025, mờ bơta geh măt bal bơh 255 nă cau ala măt ngan ngồn ala măt ai rlau 3 rbô 500 nă đảng viên bơh 34 mpồl đảng kơnă hơđơm gơ wèt bal dê.

Tơlik măt Ban chấp hành Đảng bộ kơnhoàl Dăk Mil khoá 15, tơngai lơh broă bơh nam 2020- 2025

Jơnau yal chính trị sền tàm Pơrjum dờng pà go\, mờ nùs nhơm tam klăc, bồ tơngoh lơh ngan is, pơđơl pràn sơrlèt gan, ngui niam bơta pràn mờ ală bơnah priă jền, Đảng bộ kơnhoàl Dăk Mil neh đơng lam làng bol ală jơi bơtiàn tàm kơnhoàl lơh ngan pơđơl pràn, sơrlèt gan kal ke, bơh sơnrờp neh lơh geh ală jơnau kờ`, kơnòl broă bơh Pơrjum dờng dê sồr.

Tơngai lơh broă pa, Đảng bộ kơnhoàl Dăk Mil geh jơnau kờ` lơh gơs ală broă jàu, bơ\t bơtàu kơnhoàl Dăk Mil geh tơl khà [òn lơgar pa mờ gơ gơs là thị xã lài mờ nam 2025; bơ\t bơtàu Dăk Mil gơ gơs là tiah tờm tiah dềt đah tô bơh càr Dăk Nông dê. Pơrjum dờng neh pồ Ban Chấp hành Đảng bộ khoá 15, tơngai lơh broă bơh nam 2020- 2025 geh 38 nă kuang bàng.

Ồng Trần Văn Phương, Phó Bí thư Huyện ủy, Chủ tịch Ủy ban Nhân dân kơnhoàl Dăk Mil geh pin dờn pồ ăt gơnoar broă Bí thư Huyện ủy Dăk Mil khoá 15, tơngai lơh broă bơh nam 2020- 2025.

Cau mblàng Lơ Mu K’Yến