VOV4.K’ho – Tus jơh nhai 12 nam 2020, kơnhòal Dak Rlâp, càr Dak Nông digơlan geh tai 4 xã lơh gơs broă lơh [òn lơgar pa, bơh hơ\ dong kơnhòal gơ gơs là kơnhòal sơn rờp ngan bơh càr Dak Nông dê lơh gơs broă lơh jơnau kờ` dà lơgar bè bơt bơtàu [òn lơgar pa. Gơtùi lơh geh cồng nha do tơ nơ\ 10 nam lam lơh là kơ nờm bơta lơh broă bal jơh nùs ngan bơh jơh gùt mpồl lơh broă chính trị, bơta ring bal dùl nùs tă pơgồp bơh ală rơnàng làng bol dê.

Tus xã Dak Sin, kơnhòal Dak Rlâp ală ngai do, hơ\ sồng gơtùi sền go\ jơh bơta jơh nùs, jal mhar bơh làng bol tiah do dê mờ srơh bơt bơtàu [òn lơgar pa. Tàm gùng lòt tus ală thôn 3, thôn 4 tơrbo\ tiah tờm UBND xã, tàm ală ngai trồ tơngai rơ sơh, git nđờ rhiang nă làng bol bal mờ mpồl ơruh pơnu, ling gàr [òn,… bơyai lơh cò pơnring gùng, bơrlu\ bê tông lơh gùng lòt.

Ồng Lê Trường Đinh, ơm tàm thôn 3, xã Dak Sin, kơnhòal Dak Rlâp pà git, tơ nơ\ tu\ dà lơgar lam lơh srơh bơt bơtàu [òn lơgar pa, hìu bơnhă ồng neh jơh nùs ngan tus bal. Bal mờ broă ai is rlau 1 sàu mờ nggùl ù, git nđờ jơt ngai lơh broă nàng lơh gùng lòt, ồng gam tă pơgồp tơl làm ală bơnah pria\ tă lơh ală broă lơh [òn lơgar pa ndai: “UBND xã khi lam lơh bơt bơtàu [òn lơgar pa, khi sồr tă pơgồp, ai is ù lơh gùng lòt den hìu bơnhă a` lơh jat mơ. Ală bơnah pria\ tă pơgồp bơh 5 tus 10 tơlak đông bơh tơl bơnah broă dê den hìu bơnhă a` kơ lôi rơcang nàng tă pơgồp wil tơl. Pria\ do nàng lơh gùng, lơh niam wơl hìu bơsram mờ broă lơh drơng [òn lơgar in den tàng làng bol sùm jơh nùs tă pơgồp”.

Tơnơ\ 19 nam lam lơh bơt bơtàu [òn lơgar pa, Dak Rlâp neh tam gơl ua\ ngan

Dak Sin là dùl tàm 4 xã gam wơl bơh kơnhòal Dak Rlâp dê gam lơh gơs ală broă lơh bơt bơtàu [òn lơgar pa tàm nam 2020. Ồng Đỗ Ích Chiến, Phó Chủ tịch UBND xã Dak Sin yal, bơh tu\ lam lơh tus tu\ do, xã neh hòi jà tă pơgồp geh git nđờ jơt tơmàn đông bơh kes pria\ mờ bơta tă pơgồp bơh làng bol dê nàng lơh ală broă lơh gùng lòt, hìu bơsram, hìu pơrjum [òn, drà… Tu\ do, xã neh lơh gơs 11 tàm khà 19 broă lơh. Ală broă lơh bè: tiah ơm kis, phan bơna, lơngap lơngai ờ do ờ dă, phan bơna niam chài, hìu bơnhă r[ah… geh lơh gơs tàm quý 2 nam do tơn. Mìng is ală broă lơh bè gùng lòt, bơ tơt rbòng dà, hìu ơm làng bol dê geh lơh ngan lơh gơs tu\ nam 2020 tơn jơh.

Ồng Đỗ Ích Chiến đơs, kal ke ngan rlau jơh kung gam là lam lơh ală broă lơh gùng lòt, bơ tơt rbòng dà, hìu ơm làng bol dê tài kờ` pal geh pria\ tă lơh ua\. Bulah bè hơ\, UBND kơnhòal neh geh gùng dà dong kờl tai pơgap 27 tơmàn đông, làng bol tă pơgồp geh 2 tơmàn 200 tơlak đông nàng lơh ală broă do, kơp kờ` ală broă lơh gam wơl geh lơh gơs di mờ broă rơndap lơh ai tơlik: “Sền bal den neh geh broă rơndap lơh mùl màl nàng bơt bơtàu, lơh gơs tơl broă lơh. Bol hi kung gam kòl pria\ bơcri bơh kấp hơđang, mờ dilah gơtùi bơsong den bol hi gơtùi lơh gơs ală broă lơh kờ` pria\ tă lơh ua\ do. Đảng ủy, gơnoar atbồ mờ làng bol tàm [òn lơgar den iang nùs ngan nàng lơh bè lơi chồl mhar tơngai lam lơh tus lồi nam 2020 do, xã geh lơh gơs broă lơh [òn lơgar pa jat di mờ broă rơndap lơh”.

Broă lơh chi sa plai tàm Dak Rlâp lơh geh git nđờ rhiang tơlak đông pah nam

Bơta niam tàm broă bơt bơtàu [òn lơgar pa tàm kơnhòal Dak Rlâp là bơta lơh broă bal bơh jơh gùt mpồl lơh broă chính trị, bơta ring bal dùl nùs tă pơgồp bơh ală rơnàng làng bol dê. Bơh ală bơnah pria\ hòi jà tă pơgồp geh, ua\ broă lơh [òn lơgar pa bơh kơnhòal dê neh geh lơh gơs. Xã Dak Wer là dùl pơn yơy niam bè broă hòi jà bơta tă pơgồp bơta pràn làng bol tàm bơt bơtàu [òn lơgar pa tàm kơnhòal Dak Rlâp.

Bè mờng chài hòi jà bơta tă pơgồp bơh làng bol dê, mò Lý Hải Uyên, Chủ tịch Mpồl cau lơh broă sa xã Dak Wer đơs là: Jơh ală mpồl, gah broă lơh neh chồl pràn mblàng yal nàng làng bol git jơnau kờ`, bơta kuơ, gơnoar mờ kơ nòl bơh he dê tàm broă lơh. Bơh hơ\, làng bol git bơta kuơ bơh broă lơh dê hơ\ sồng tus bal, kơ nờm bơh hơ\ xã neh lơh gơs broă lơh [òn lơgar pa tàm lồi nam 2019 mờ gam lam lơh bơt bơtàu xã [òn lơgar pa lơh lài tàm kơnhòal: “Bè bơt bơtàu [òn lơgar pa den xã Dak Wer neh hòi jà tă pơgồp geh rlau 70 tơmàn đông, tàm hơ\ làng bol tă pơgồp geh 8 tơmàn 500 tơlak đông. Tu\ bol he hòi jà den làng bol tă pơgồp jơh nùs ngan. Bal mờ lam lơh srơh ai is ù, tă pơgồp ngai lơh broă, phan bơna den ală kấp gam lam lơh srơh tàm pơr lòng lơh broă sa mờ làng bol kung tus bal jơh nùs ngan, nam tơ nơ\ sùm jơnhua rlau mờ nam lài. Bơh hơ\, srơh broă lơh gơ rề làm gùt tiah. Dak Wer gam geh kơnhòal rơ wah là xã lơh lài gơguh jơnhua”.

Dùl broă lơh ròng iar ting lềng tàm suơm tàm Dak Rlâp lơh geh git nđờ jơt tơlak đông pah nhai

Dak Rlâp là kơnhòal geh UBND càr Dak nông rơ wah là kơnhòal lơh lài bơh càr dê bè bơt bơtàu [òn lơgar pa. rlau 10 nam do, Dak Rlâp neh hòi jà tă pơgồp geh 3 rbô 700 tơmàn đông nàng bơt bơtàu [òn lơgar pa; tàm hơ\, kes pria\ tă là 2 rbô 300 tơmàn đông, pria\ bơh làng bol tă pơgồp là pơgap 1 rbô 400 tơmàn đông.

Bơnah pria\ do geh tă lơh ală broă lơh bè: rbàng, gùng lòt [òn lơgar, gùng che đèng, ală broă lơh drơng rài kis mpồl bơtìan mờ bơcri lơh sa kă bro. Tus tu\ do, dùl thị trấn mờ jơh 10 xã bơh kơnhòal dê ndrờm neh geh gùng che ồs đèng, gùng lòt niam, pơgồp bơnah bơtàu tơnguh lơh sa – mpồl bơtìan ai kơnhòal in.

Jat ồng Phan Nhật Thanh, Chủ tịch UBND kơnhòal Dak Rlâp yal, bơh tu\ lam lơh srơh bơt bơtàu [òn lơgar pa, tàm kơnhòal geh ua\ broă lơh bơtàu tơnguh lơh sa ai cồng nha ua\ bè: tam kau su suơn sềt, kơphe, tiêu, chi sa plai; ală broă lơh ròng kơn rồ dà toh, kơn rồ lơh poac, iar, be… Bơh bơta pria\ lơh geh làng bol dê kờp bal geh bơh 26 tus 27 tơlak đông tàm 1 nă tàm 1 nam tàm nam 2010 den tus tu\ do neh gơguh tus 45 tơlak đông tàm 1 nă cau tàm dùl nam. Kơ nờm bơh hơ\, khà hìu bơnhă r[ah bơh kơnhòal dê gơmù bơh 22% tàm nam 2010 gam ờ hềt tus 5% tàm lồi nam lài.

Broă lơh tam tờm plai màk tàm xã Dak Sin, kơnhòal Dak Rlâp ai pria\ jền lơh geh ua\

Ồng Phan Nhật Thanh pà git: Mờ bơta bơcri pria\ pràn ngan bơh dà lơgar dê, bơta at tê bal tă pơgồp bơh ală rơnàng làng bol dê, broă ngui geh cồng nha pria\ bơcri den broă kơnhòal Dak Rlâp lơh gơs broă lơh bơt bơtàu [òn lơgar pa tàm lồi nam 2020 là gơtùi lơh geh ngan ngồn: “Tus tu\ do, neh geh 8 tàm 10 xã mờ dùl thị trấn bơh kơnhòal Dak Rlâp dê tơl khà [òn lơgar pa. Tu\ do gam 2 xã là Hưng Bình mờ Dak Sin gam mờr lơh gơs tàm nggùl nam 2020. Mìng is ală xã gam wơl geh tơr gùm tơl bơta pràn nàng lơh ngan lơh gơs tàm quý 3 halà quý 4 nam do. Bơh hơ\, geh ai kơnhòal gơ gơs là kơnhòal sơn rờp ngan tàm càr Dak Nông lơh gơs broă lơh [òn lơgar pa, mờ geh lơh sir sră nggal sền sơ wì càr in tàm quý 1 nam 2021 nàng càr in ki\ ring bal”.

Mờ bơta lơh broă bal jơh nùs ngan bơh jơh gùt mpồl lơh broă chính trị dê, bơta ring bal dùl nùs lơh jat bơh ală rơnàng làng bol dê, Dak Rlâp geh là kơnhòal sơn rờp ngan bơh càr Dak Nông dê lơh gơs broă lơh bơt bơtàu [òn lơgar pa tu\ jơh nam 2020 do. Kơp kờ` do geh là bơta pơn jờng, lơh gơs bơta gơ rề ua\ nàng chul chồl ală tiah ndai tàm càr Dak Nông chồl pràn rlau tai broă lam lơh broă lơh jơnau kờ` dà lơgar bè bơt bơtàu [òn lơgar pa.

Cau mblàng K’Duẩn