VOV4.K’ho - Tơnơ\ mờ 10 nam lơh jăt jơnau kờ` dà lơgar dê bơ\t bơtàu [òn lơgar pa, ală tiah tàm kơnhoàl Dak Rlấp neh geh tam gơl niam. Mùl màl neh ai go\ do là broă chồl pràn [òn lơgar tàm kơnhoàl tơnguh bơtàu tơl ală bơta.

Rài kis phan bơna bal mờ nùs nhơm làng bol lơh broă sa geh gơguh, rơhời tơmù bơta ờ ndrờm bal bơh [òn lơgar mờ [òn drà. Jăt tơngai geh ai bơh tu\ do tus lồi nam 2020, kơnhoàl Dak Rlấp lơh ngan gơs kơnhoàl [òn lơgar pa sơnrờp ngan càr Dak Nông dê.

Bơh đah tô mu\t lơh broă sa mờ ơm kis tàm càr Dak Nông bơh ală nam 2000, ồng Nguyễn Hồng Hải, kis tàm [òn Tân Tiến, xã Dak Ru, kơnhoàl Dak Rlấp gam kah sùm rài kis glar bòl, kòl jan kal ke bơh hìu nhă dê tàm tu\ hơ\.

Mơya, mờ broă lơh ngan tơriang tơriồng, ờ ngòt glar bòl, den tàng tu\ do hìu nhă ồng hải neh geh 3 lồ ù tam kơphe bơrlu\ bal mờ tòm [ơ bal mờ tòm sầu riêng, ai geh tơnhào pah nam rơlao 600 tơlăk đong.

Ồng Hải pà g^t tai, lài do rài kis glar bòl, bơta niam tàm rài kis ờ hềt uă, mơya tàm pơgăp 5 nam pa do, tu\ broă bơ\t bơtàu [òn lơgar pa geh chồl pràn, xã Dak Ru neh rơhời geh bơcri priă bơ\t bơtàu broă lơh, lơh gùng tàm ală [òn kloh niam, do là bơta tòm nàng chồl pràn broă tơnguh bơtàu lơh sa làng bol kis tàm xã in.

-Tus tàm ù tiah càr Dak Nông kung neh rơlao 20 nam do, hìu nhă bal mờ ală oh mi lơh ngan tàm broă lơh sa, lài do den là tam kơphe, tàm ală nam do den tam gơl tam tòm sầu riêng mờ [ơ, kung lơh ngan nàng lơh broă sa.

Ồng Lê Văn Chữ, kuang atbồ [òn Tân Tiến, xã Dak Ru pà g^t, tu\ do, muh măt [òn lơgar tàm xã neh geh uă tam gơl pa. Ală broă lơh bè gùng lòt, ồs đèng, hìu bơsram, hìu chài rơgơi, hìu ơm làng bol [òn lơgar dê... geh bơcri priă lơh ngan sơlơ lơh gơs ndrờm bal mờ pa ngan, di pal mờ broă kờ` bơh rài kis làng bol dê.

Ală gơl gùng ù gơtìp gơthul [ơ\ tàm ală nam lài tu\ do neh geh dă mờ bê tông kloh niam. G^t nđờ rơhiang nơm hìu sèt kung neh geh dong kờl priă nàng lơh pa, rài kis phan bơna, priă geh làng bol dê ngai sơlơ hờm ram.

-Rài kis làng bol neh gơguh loh làng ngan, uă ngan, tàm nam pa do kờp jơh khà priă geh tơl nă làng bol geh di pơgăp 47, 48 tơlăk đong tàm 1 nam. Làng bol lơh hìu niam rơlao, lài do mìng lơh hìu ờ kơl jăp, hìu sèt, den tu\ do hìu lơi kung niam dờng, hìu lơi kung tơl phan ngui lơm.

Jăt ồng Vũ Trọng Tài, Chủ tịch UBND xã Quảng Tín, kơnhoàl Dak Rlấp yal, tơngai lài do, Đảng bộ, gơnoar atbồ bal mờ làng bol kis tàm xã Quảng Tín sùm lơh ngan nàng lơh gơs ală khà broă bơ\t bơtàu [òn lơgar pa gờ` ngan, geh cồng nha ngan di lah geh.

Kờp tus tu\ do, xã Quảng Tín neh geh 19 tàm 19 khà broă bơ\t bơtàu [òn lơgar pa. Tàm hơ\, gơnoar bơh làng bol lơh tòm neh geh tơnguh, lơh jăt broă bơ\t bơtàu [òn lơgar pa mờ gùng dà “làng bol g^t, làng bol cri bơyai, làng bol lơh, làng bol sền gròi mờ làng bol dờp”.

Broă xã Quảng Tín neh lơh niam broă hòi jà bơta pràn tàm làng bol nàng drơng niam broă bơ\t bơtàu [òn lơgar pa. Ồng Vũ Trọng Tài đơs:

-Tàm broă lơh jăt den gơwèt mờ ală khà broă kuơ màng bè gùng lòt den pal geh broă dong kờl uă ngan, mơya bơh tàm broă lam sồr den làng bol kờ` bal uă ngan.

Tàm broă lơh jăt den làng bol ai tơl bơta niam nàng gơnoar atbồ bal mờ ală anih lơh broă geh gơnoar nàng lơh geh cồng nha khà broă do.

Kuơ màng tàm nam 2018 mờ broă tam pà bơh UBND càr rơlao 22 kơi sồ gùng lòt, UBND xã kung neh pơgồp bal mờ mpồl atbồ [òn bal mờ làng bol tàm gùt xã lơh jăt bè khà uă, bơta niam geh gơnoar atbồ jào.

Ồng Đỗ Ích Chiến, Phó Chủ tịch UBND xã Dak Sin, kơnhoàl Dak Rlấp pà g^t, mờ ală kal ke mờng gơtìp bơh xã do dê là ală khà broă bè gùng lòt, bal mờ ală broă lơh ndai tai, xã kơ\p kờ` geh broă dong kờl bơh ală gah broă nàng lơh gơs ală khà broă di jăt mờ rơndăp broă geh ai tàm lồi nam 2020.

-Kal ke uă ngan xã dê tàm broă lơh jăt broă bơ\t bơtàu [òn lơgar pa là broă bơ\t bơtàu tu\ do gam gơtìp ờ kơl jăp uă ngan. Tàm hơ\ uă ngan là bơh dơ\ mìu dà tih dà cò pa do den geh ờ uă gơl gùng lòt neh gơtìp tơrlah uă.

Den tàng, broă gơnoar atbồ xã lam sồr làng bol bal mờ gơnoar atbồ xã gờ` lơh gơs khà broă bơ\t bơtàu [òn lơgar pa den pal geh priă nàng lơh.

Broă do kung pal geh broă dong kờl bơh dà lơgar, gơnoar atbồ kơnhoàl, càr nàng lơh bè lơi bal mờ gơnoar atbồ xã lơh gơs broă bơ\t bơtàu [òn lơgar pa di mờ tơngai neh geh ai.

Kơnhoàl Dak Rlấp geh 10 xã mờ 1 thị trấn geh 110 [òn mờ di pơgăp 25 jơi bơtiàn kòn cau ơm kis bal. Mờr 10 nam do, kơnờm mờ broă đơng lam mờ lơh jăt niam broă lam sồr làng bol neh geh ală broă tam gơl niam tàm nùs nhơm g^t wă, tus bal `hăp `har, ai ù, tă priă bal mờ ngai lơh broă nàng bơ\t bơtàu [òn lơgar pa.

Do là bơta pràn ai geh broă lơh pràn kơl dang nàng chồl pràn ală tiah ndai tàm càr Dak Nông chồl pràn rơlao tai broă lơh jăt jơnau kờ` dà lơgar bè bơ\t bơtàu [òn lơgar pa.

Cau cih Hoàng Qui-Cau mblàng Ndong Brawl