VOV4.K’ho - Kơnhoàl Dak Rlấp, càr Dak Nông gam tơrgùm uă broă lơh nàng lơh jăt broă lơh tơl xã geh dùl bơta phan (OCOP). Mờ uă bơta geh pràn tàm gah lơh sa suơn sre, kơnhoàl ai khà broă lơh là pal geh uă bơta phan geh khà OCOP tàm tơngai tus...

Tơngai do, kơnhoàl Dak Rlấp sùm sền kuơ tus mờ broă dong kờl, lam sồr crơng gơs ală mpồl lơh broă bal, hợp tác xã (HTX), ai cơ chế broă lơh nàng ală mpồl lơh sa kă bro bơcri priă, pơgồp bal mờ làng bol lơh broă sa tơnguh bơtàu broă lơh sa, bơcri priă lơh phan geh lơh bơh broă lơh sa suơn sre.

            Hợp tác xã tam tiêu Hữu cơ Đồng Thuận, xã Nhân Cơ geh khà bè bơta kloh niam ờ do ờ dă tàm phan sa

Tus tu\ do, gùt kơnhoàl geh 26 HTX lơh sa suơn sre, 10 mpồl lơh broă bal. Ală mpồl lơh sa kă bro tàm kơnhoàl kung gam ngui ală broă lơh sa geh nùs nhơm lơh tòm uă ngan. Do là bơta tòm dong kờl broă lơh sa [òn lơgar bơh kơnhoàl Dak Rlấp tơnguh bơtàu jăt broă lơh tòm mờ gơguh bơta kuơ.

Tàm kơnhoàl Dak Rlấp gam geh uă ngan broă lơh sa suơn sre ngui kỹ thuật gơguh jăk, cèng geh cồng nha uă, geh ală khà broă lơh, jơnau dờp gơwèt mờ phan geh lơh bơh broă lơh sa suơn sre.

Bè hìu nhă ồng Võ Văn Minh, kis tàm [òn 8, xã Nhân Cơ geh mờr 1 lồ 5 sào ù tam tòm sầu riêng. Tài kơnờm mờ broă bơcri priă niam bơh broă sền gàr tus mờ broă rơcang sơndră mờ kòp, den tàng suơn tam tòm sầu riêng bơh hìu nhă ồng Minh dê geh hòn gơs niam, cồng nha geh mờr 1 tạ plai tàm 1 tòm.

Ồng Võ Văn Minh pà g^t, khà geh ai bơh cau tam tòm sầu riêng tu\ do ờ di là mờ ală bơta lơi nàng geh cồng nha mờ mìng là bơta niam. Plai sầu riêng pal geh tơl niam ờ do ờ dă mờ kloh niam tàm phan sa bal mờ bơkah. Bè hơ\, hơ\ sồng tăc geh phan geh lơh, broă tam tòm sầu riêng hơ\ sồng geh lơh jo\ jòng.

               Plai sầu riêng bơh hìu ồng Võ Văn Minh, xã Nhân Cơ (kơnhoàl Dăk Rlấp) tam jăt broă lơh hữu cơ

Jăt ồng Nguyễn Quốc Khánh, kuang atbồ mpồl tam tòm sầu riêng Thiên Phú, xã Nhân Cơ yal, tu\ do, geh uă ală hìu làng bol lơh broă sa tàm xã ndrờm g^t tus mờ bơta kuơ màng bơh broă ngui công nghệ sinh học nàng lơh geh phan geh lơh bơh broă lơh sa suơn sre kloh niam.

Uă nam do, geh uă ngan hìu tam kơphe, tiêu, tòm chi sa plai ngui ală broă lơh sinh học hữu cơ, lơh jăt khà VietGap, Organic, GlobalGAP... Den tàng, phan geh lơh bơh broă lơh sa suơn sre bơh ală cau tam do tăc geh uă ngan nùs nhơm pin dờn mờ geh ală mpồl lơh broă cau kung bè cau ngui sa pin dờn.

Mờ broă lơh sa niam, jăt broă lơh hữu cơ, den tàng uă cau tam phan neh geh dờp sră geh dờp tơl khà broă lơh tàm lơgar mờ lơgar bơdìh. Den tàng, broă ală phan geh lơh bơh cau tam phan dê geh “to\p sơrma`” OCOP.

Jăt ồng Nguyễn Tuấn Anh yal, kờ` lơh jăt broă lơh OCOP, lài ngan, kơnhoàl lơh jăt ală gùng dà broă lơh chồl pràn ală HTX, mpồl lơh sa kă bro di mơ mờ dềt tơnguh bơtàu nàng lơh geh bơta pràn is.

Kơnhoàl ai tơl bơta niam bè cơ chế, broă lơh nàng tơnguh uă bơta pràn ai ală hìu lơh, HTX, mpồl lơh sa kă bro tàm broă lơh OCOP. Hơ\ là tơrgùm dong kờl ală mpồl lơh broă bè bơta ngăc ngar, jơnau g^t wă tàm broă atbồ, công nghệ lơh sa, hòi jà kă bro.

Kơnhoàl Dak Rlấp ai khà tus nam 2025 geh 3 bơta phan bơh mpồl lơh sa kă bro tus bal OCOP; 6 bơta phan bơh ală HTX geh ai sră dờp OCOP. Bơdìh hơ\ tai, geh 3 bơta phan geh dờp khà OCOP geh 3 sơrma` rơlao hờ đang, 1 bơta phan geh bơh 4 tus 5 sơrma`.

Bơh nam 2016 tus tu\ do, kơnhoàl neh hòi jà geh mờr 9 rơbô tơmàn đong nàng bơ\t bơtàu [òn lơgar pa, tàm hơ\, làng bol tă geh mờr 340 tơmàn đong. Nam 2011, gùt kơnhoàl mìng rơ\p geh 43 khà broă bơ\t bơtàu [òn lơgar pa, mơya tus tu\ do gùt kơnhoàl geh 182 khà broă.

Mpồl đơng lam ală broă lơh jăt khà kờ` bơh dà lơgar càr Dak Nông đơs, kơnhoàl Dak Rlấp là “kơnhoàl lam lài” càr dê tàm broă bơ\t bơtàu [òn lơgar pa. Broă lơh, bơta pràn, lơh ngan tàm broă đơng lam, lam sồr, lơh jăt ală tơngu me geh ai, bơnah broă bơ\t bơtàu [òn lơgar [a tàm kơnhoàl Dak Rlấp là bơta mờ ală tiah ndai pal bơsram bal, ngui, tàm hơ\ uă ngan là gơwèt mờ ală kơnhoàl ờ hềt geh xã lơi geh khà ha là ală kơnhoàl gam geh ờ uă xã geh khà [òn lơgar pa.

Cau mblàng Ndong Brawl