VOV4.K’ho – Ủy ban Nhân dân kơnhòal Krông Păc pa bơyai lơh pơrjum tìp mat kă bro jòi anih blơi ai phan lơh gơs bơh suơn sre nam 2020, mờ bơta tus bal bơh Kuang đơng lam bồ Tiah tờm dong kờl tac phan hờ lơgar ndai (gơ wèt Bộ Công thương) bal mờ ala mat ală sở, gah broă lơh, mpồl lơh sa kă bro, cau lơh broă sa tàm kơnhòal. Gơwèt mờ kơnhòal Krông Păc, càr Dak Lak, lơh sa suơn sre là gah lơh sa tờm ngan bal mờ ua\ phan lơh gơs bơh suơn sre geh cồng nha lơh sa ua\ bè kơphe, tiêu, sầu riêng, bơ…

Nàng gơtùi lơh gơlik bơta pràn gơ gơs ngan ngồn den bơdìh mờ broă crơng gơs mat kă bro ai ală bơta phan bơh suơn sre in, kơnhòal pal sền gròi tus broă kơ lôi sơ nơng drà kă bro; bơyai lơh ală ơdu\ bơto pơlam tơnguh pràn jak hòi jà bơcri pria\ kă bro, jòi drà kă bro ai làng bol mờ mpồl lơh sa kă bro in. Tàm pơrjum, ală cau bơcri pria\ neh ki\ jơnau hơ pơrgon bơcri pria\ 2, 3 rơndap broă bè: Khu liên hiệp lơh sa suơn sre công nghệ cao; Hìu ma\i lơh sầu riêng; Trang trại ròng sur công nghệ cao; Trang trại ròng sur, hìu ma\i kho\ kơltau…

Cau mblàng K’Duẩn