VOV4.K’ho -  Jơnau mhual bơryuh lơh aniai uă ngan sươn kơphe mờ ờ uă sươn tam phan tam ndau tàm ù tiah kơnhoàl Lạc Dương càr Lâm Đồng dê gam lơh gơlik jơnau kơlôi rcăng uă ngan tus cau lơh broă sa kung bè ală anih lơh broă geh gơnuar in…Do la dơ\ aniai hoàc hươr bơh mhual bơryuh uă ngan rlau jơh tàm pơgăp 10 nam do. Jăt Anih lơh broă ờs mờng gah do yal, den jơnau mhual bơryuh lơh aniai uă sươn tam phan, tàm hơ\ aniai uă ngan rlau jơh là kơphe tàm Lạc Dương, tài do là ù tiah geh dòr bơnơm kơh uă pơndrờm mờ ală tiah ndai, trồ tiah tàm trồ mang mrềt nuăt ngan, khà ờ ndrờm bal trồ tiah tàm trồ ngai mờ trồ mang jơnhoa ir. Do là dùl jơnau trồ tiah ni sơna, lơh aniai uă tus broă lơh sa ờ mìng tus tờm kơphe lơm gời mờ tus uă tờm chi tam ndai tai mơya gơlơh kal ke wơl tàm broă mu\t lơh ală broă lơh rcăng sơndră.