VOV4.K’ho- Bal mờ rơndap ù tiah tiah tam phan, kơnhoàl Lâm Hà càr Lâm Đồng neh mờ gam lam lơh broă lơh dong kờl mpồl lơh sa kă bro lơh bal mờ cau lơh broă sa suơn sre bơcri priă bơtàu tơnguh lơh sa mờ ma\y mok lơh gơlik phan, tơnguh uă priă lơh geh bơh ală phan lơh sa suơn sre tàm tiah do dê.

Tàm kơnhoàl Lâm Hà, càr Lâm Đồng, uă mpồl lơh sa kă bro neh mờ gam lam lơh ală rơndap broă lơh bơtàu tơnguh lơh sa mờ ma\y mok lơh gơlik phan bơh gah lơh sa suơn sre pơgồp bal mờ tiah tam phan. Ồng Nguyễn Hoàng Anh, Kuang atbồ Công ty TNHH Hoàng Anh Maca pà g^t, công ty gam pơn jat tai lơh sir ală broă lơh sră nggal kơrnoat boh lam nàng lơh rơndap broă lơh lơh bal mờ 20 hìu bơnhă cau lơh broă sa (geh uă ngan tàm kơnhoàl Lâm Hà mờ dùl bơnah tàm ù tiah kơnhoàl Đức Trọng dê) nàng tam phan jo\ sơnam, tam pa wơl, tơnguh uă cồng nha lơh geh tàm 20 lồ tiah tam tờm mắc ca bơh 7 sơnam gơguh hơ đang.

Do là rơndap broă lơh gơ wèt broă lơh bơtàu tơnguh [òn lơgar pa dà lơgar dê, lam lơh tàm 2 nam tus mờ khà priă bơcri dong kờl bơh kes priă dà lơgar dê geh tus 30%; Công ty TNHH Hoàng Anh Maca tă pơgồp lơh bal 70%. Ồng Nguyễn Hoàng Anh,  Kuang atbồ công ty pà g^t “Tài bơh ờ hềt ngui dơ\ le\ bal ală gùng dà broă lơh chài tam phan tàm bă ù 20 lồ mắc ca tiah tam phan tàm tiah do  dê lơh geh cồng nha mờ bơta niam ờ ring bal. Jơnau kờ` bơh rơndap broă lơh tàm 2 nam tus geh là tơnguh cồng nha tơn hào gơguh tus bơh 4 tus 5 tấn dùl lồ mắc ca mìng tam măc ca lơm mờ 2 tus 3 tấn dùl lồ mắc ca tam tàm bơr lu\ bal.

Lơh gơlik cê Ô Long tac mờ lơgar ndai tàm kơnhoàl Lâm Hà- Lâm Đồng 

Nàng geh tus bal mờ gơnoar broă là cau tờm bơh rơndap broă lơh 20 lồ mắc ca, Công ty TNHH Hoàng Anh Maca geh tơl ală broă là: neh bơt bơtàu mờ ai lơh broă hìu ma\y lơh gơlik phan ală phan bơna lơh bơh mắc ca geh tơl bơta niam, ờ do ờ dă phan ngui sa, geh tăc tàm lơgar mờ tăc mờ lơgar ndai pin dờn ngui ngai sơlơ uă. Bơta pràn lơh gơlik phan bơh hìu ma\y do dê gơguh tus 120 tấn mắc ca dùl nam.

Digơlan kàl mắc ca tàm nam tus, mờ ală broă lơh chài tam phan, cồng nha bơh ală hìu bơnhă cau lơh broă sa tàm kơnhoàl Lâm Hà dê lơh bal mờ Công ty TNHH Hoàng Anh Maca geh tơn hào bơh 4 tus 5 tấn dùl lồ, mờ priă tăc geh ai lài là 100 rơbô đong dùl ki\, priă lơh geh bơh 400 tus 500 tơlak đong dùl lồ. Priă bơcri lơh pơgap 30%, gam wơl priă cồng bơh 280 tus 350 tơlak đong dùl lồ.

Gơ wèt mờ mpồl lơh sa kă bro Tám Trình ơm tàm xã Gia Lâm, kơnhoàl Lâm Hà, càr Lâm Đồng, bơh uă nam do neh ai ù rlau 5 rơbô thơk vuông nàng crăp ală ma\y mok tam cah is, lơh mờ tê mờ lơh gơlik kơphe lơh sa jat broă lơh hữu cơ. Mpồl lơh sa kă bro neh lơh broă bal mờ g^t nđờ rơhiang hìu bơnhă cau lơh broă sa tàm ù tiah do dê nàng tam tiah tam phan. Tơl hìu bơnhă tam bơh 1 tus 3 lồ kơphê. Priă tăc kơphê bơh Mpồl lơh sa kă bro Tám Trình dê gơ wèt mờ hìu bơnhă cau lơh broă sa lơh bal sùm jơnhoa rlau 10% rlau hơ đang pơn drờm mờ khà priă tăc tàm drà kă bro. Bơta pràn mut lơh broă bơh ma\y mok lơh gơlik kơphê tàm do dê lơh geh kờp bal là 12 tấn dùl jiơ tam cah is kơphê ra`; 4 tấn dùl jiơ lơh gơlik kơphê sùh.

Bơta geh ngan tàm xã Phúc Thọ, kơnhoàl Lâm Hà, càr Lâm Đồng pà go\, cau lơh broă sa tàm do neh lơh bal mờ mpồl lơh broă sa Long Đỉnh nàng tam phan lơh cê Ô Long geh cồng nha ngan. Ală hìu bơnhă cau lơh broă sa geh dong kờl cè sơl tìl mờ khà 40% priă bơcri bơh kes priă kơnhoàl Lâm Hà dê mờ 60 % priă bơcri bơh Mpồl lơh sa kă bro Long Đỉnh dê.  Mpồl lơh sa kă bro Long Đỉnh neh bơt bơtàu hìu lơh broă nàng crăp ma\y mok lơh gơlik phan ală phan bơna cè Ô Long tăc mờ lơgar ndai jat tàm bơnàng jă phan lơh geh geh blơi bơh cau lơh broă sa dê. Tus tu\ do, rlau 10 nam, sơn đan mat cê Ô long Long Đỉnh tàm Phúc Thọ, kơnhoàl Lâm Hà neh đơs nền bơngă, gơnoar broă, bơta kuơ tàm ală tiah drà kă bro dờng tàm lơgar mờ tăc phan mờ lơgar ndai. Tiah tam phan lơh gơlik cê Ô Long ai hìu ma\y lơh gơlik phan Long Đỉnh tàm kơnhoàl Lâm Hà dê tu\ do gam pờ ơnàng pơgap 50 lồ mờ 45 hìu bơnhă cau lơh broă sa lơh jat broă lơh hữu cơ, priă lơh geh sùm pơgap 300 tơlak đong dùl lồ dùl nam.

Tơr gùm kờp tus tu\ do, gùt kơnhoàl Lâm Hà, càr Lâm Đồng gam bơtàu tơnguh tiah tam phan mờ lơh sa mờ ma\y mok lơh gơlik phan tàm hơ\ geh: rlau 11 rơbô 300 lồ kơphê, rlau 1 rơbô 300 lồ mắc ca, mờr 300 lồ cê, rlau 310 lồ biăp mờ bơkào, mờr 1 rơbồ lồ tờm zơu sơn tìl pa.

Nàng geh cồng nha do là tài bơh ală nam do, Ủy ban Nhân dân kơnhoàl Lâm Hà, càr Lâm Đồng neh tơr gùm sồr tam gơl rơndap broă lơh phan tam, ngui ală bơta gơguh jak khoa học kỹ thuật tàm broă lơh sa, tam gơl ală bă ù lơyah tơngai, tam phan ngui sa geh cồng nha lơh sa ờ uă tus tam ală phan tam jo\ tơngai geh priă lơh uă rlau, pơgồp bal mờ lơh sa mờ ma\y mok lơh gơlik phan. Ngan là, gơnoar atbồ ală tiah neh ai tơl bơta buơn ngan ai mpồl lơh sa kă bro in bơcri công nghệ lơh gơlik phan tơnguh uă bơta kuơ phan bơna lơh geh, pơgồp bơnah tơnguh priă lơh ai làng bol tàm tiah do in.

Quốc Học jat ba\o Lâm Đồng- Cau mblàng K’ Hạnh