VOV4.K’ho – Drim òr 29/5, kuang đơng lam bồ càr Gialai lơh broă mờ Mpồl duh broă sùm Đảng ủy kơnhoàl Phú Thiện bè broă lơh sươn dờng pơlam lơh lài. Jat jơnau yal bơh kơnhoàl Phú Thiện dê, tàm nam 2017, kơnhoàl sền lơh “Sươn dờng” gơ wèt mờ tờm kòi mờ tàu tàm kàl lơh sa nam 2017 mờ kàl mrềt prang 2017- 2018. Nàng lơh sươn dờng kòi pơlam lơh lài, kơnhoàl neh tă kes priă mờr 800 tơlak dong kờl 50% priă kòi sơntìl mờ pơlam bơta chài ai cau lơh broă sa in.

Mìng is sươn dờng tàu, kơnhoàl neh ai ing kes priă 1 tơmàn priă lơh gùng che đèng tờm tus tàm tiah tàm gùl sươn dờng tàu tàm Cư\ A Thai mờ 1 trạm điện hạ thế. Jat jơnau đơs bơh sơnrờp, ală sươn dờng tàm tờm kòi mờ tàu là gùng dà di pal, tam gơl bơta mờng quèng lơh sa dềt rah rài ờ kơ\ kơl jăp bơh làng bol dê, wèt tus lơh sa dờng jat ròt khà priă phan kă bro; geh làng bol dùl nùs bal lơh jat.

Cau cih mờ yal tơngi\t-Lơ Mu K’ Yến