VOV4.K’ho - Bal mờ ală càr, [òn dờng tàm gùt lơgar, broă rơcang nam bơsram pa tàm ală tiah sar lơgar ngài càr Gia Lai dê neh geh lơh niam tàm ală nhai rơlô bơkang. Bu\ lah gam uă kal ke, mơya tus tu\ do, ală kơnhoàl kal ke tàm càr Gia Lai neh rơcang gơs nam bơsram pa.

Hìu bơsram kai 1 kòn cau Đak Roong geh lơh tàm tiah kơh bơnơm, gơwèt ntum kal ke Đak Roong, ngài mờ tiah tàm gùl kơnhoàl Kbang di pơgăp 70 kơi sồ. Tàm khà 300 nă kơnòm bơsram kòn cau Bơnhàr tàm do ndrờm geh ơm ngai tơn, tài hìu ngài mờ hìu bơsram rơlao 10 kơi sồ, ndrờm là gùng brê lơm. Kờ` geh tơl bơta niam ai ală kơnòm bơsram in, hìu bơsram neh hòi jà uă bơta pràn, lơh hìu ơm ngai kờ` geh anih ơm sa ai kơnòm bơsram lơi in ơm tơn. Ală nhai mìu càl dờng, kơnòm bơsram ơm 2 poh, geh tu\ 1 nhai hơ\ sồng rê 1 dơ\. Lài mờ nam bơsram pa 2015-2016, hìu bơsram gam lơh ngan lơh niam wơl mờ lơh gơs ală broă lơh bè hìu sa, jơdu\ ơm b^c, jơdu\ bơsram sră, bal mờ ală bơta phan ndai tai kờ` ai kơnòm bơsram in. Ồng Phạm Quốc Tuấn, gơnoar atbồ hìu bơsram kai 1 kòn cau Đak Roong, ntum Đak Roong, kơnhoàl Kbang pà g^t: “Kờ` rơcang nam bơsram pa, tàm tơngu me khà kơnòm bơsram, hơ\ sồng broă lơh hìu sa, hìu ơm, hìu bơsram neh rơcang lơh bơh bồ nhai 7. Bơcri priă lơh dờng ơnàng, lơh niam wơl ală broă. Tus tàm tu\ do den bol a` neh lơh gơs jơh ală phan bơna kờ` ai ală kơnòm bơsram tus bơsram nam bơsram pa”.

Hìu bơsram kai 1 Sơn Lang, gơwèt tiah sar lơgar ngài Sơn Lang, nam bơsram pa do, geh 100 nă kơnòm bơsram kòn cau Bơnhàr geh tus bơsram jăt broă ơm ing, geh di pơgăp 30% khà kơnòm bơsram tàm gùt hìu bơsram. Ală kơnòm bơsram do ndrờm geh rài kis kal ke, hìu ngài mờ hìu bơsram rơlao 6 kơi sồ gùng lòt. Do là nam bơsram sơnrờp ngan hìu bơsram geh càr Gia Lai k^ kơrnoăt dong kờl ală kơnòm bơsram sào sa, bơsram sră jăt broă lơh gơwèt kơnòm bơsram ơm ning ngai tơn. Bu\ lah phan bơna hìu bơsram gam kal ke, mpồl cau pơgru tàm hìu bơsram neh tus bal uă, lơh ngan rơcang mờ tus tu\ do neh lơh gơs ală bơta phan kờ` mu\t nam bơsram pa. Mò Nguyễn Thị Phượng, gơnoar atbồ hìu bơsram kai 1 Sơn Lang, ntum Sơn Lang, kơnhoàl Kbang đơs: “Rơcang nam bơsram pa 2015-2016, hìu bơsram neh lơh niam wơl phan bơna, hìu bơsram, jơdu\ bơsram, sơng wơl jơh ală jơdu\ bơsram neh ờ niam tai mờ lơh niam wơl hìu ơm ai kơnòm bơsram ơm wơl ing kờ` rơcang ai 100 nă kơnòm bơsram tus ơm tàm tiah tòm in. Bè phan bơna kờ` rơcang ai 100 nă kơnòm bơsram ơm ing den hìu bơsram kung neh rơcang tơl phan bơna, hìu bơsram, jơdu\ bơsram kung bè broă ai cau lơh broă, sền gàr ală kơnòm bơsram ơm tơn in”.

Bal mờ broă lơh ngan bơh gah bơto bơtê mờ bơsram dê, kờ` rơcang nam bơsram pa, tàm uă ntum tiah sar lơgar ngài kơnhoàl Kbang dê gam geh broă dong kờl bơh uă cau hìu nhă kơnòm bơsram bal mờ ală cau geh nùs nhơm niam. Ală cau geh tus bal lơh niam wơl hìu bơsram, jơdu\ bơsram, phan bơna mờ tam biăp, ròng iar, sur…ai tơl bơta niam kờ` ală kơnòm bơsram in bơsram niam, bơh tàm hìu ơm geh lơh tơn tềng hìu bơsram. Lo\ Nguyễn Thị Trúc Phương, atbồ mpồl cau lơh broă nùs nhơm dong kờl is tus bơh [òn dờng Hồ Chí Minh tus kơnhoàl Kbang dong kờl gah bơto bơtê mờ bơsram rơcang nam bơsram pa đơs: “Ală oh tàm do gam ờ tơl uă ngan. A` bơh Sài Gòn guh tus tàm do den go\ sơnđàc ngan pal dong kờl ală oh in bè phan bơna, nùs nhơm. Ờ uă, mơya là nùs nhơm bal, hơ\ sồng tàm gơboh bal mờ ală cau den tàng bol a` lơh ngan pah nam geh tus wơl 1 dơ\ kờ` bal mờ ală cau pơgru dong kờl ală oh in”.

Nam bơsram pa do, gùt kơnhoàl Kbang geh rơlao 15 rơbô nă kơnòm bơsram, bơsram tàm 53 hìu bơsram bơh kơnòm pa lòt bơsram tus hìu bơsram kai 3. Tus tu\ do, ală hìu bơsram tàm kơnhoàl neh rơcang tơl ală bơta tus mờ nam bơsram 2015-2016. Mò Hoàng Thị Quế, kuang jăt jơng atbồ anih lơh broă bơto bơtê mờ bơsram kơnhoàl Kbang đơs: “Gơwèt mờ gah bơto bơtê mờ bơsram kơnhoàl Kbang dê tus tu\ do  neh lơh tơl ală boă kờ` rơcang nam bơsram pa. Bè phan bơna, mpồl cau pơgru kung bè cau pơgru bal mờ kơnòm bơsram neh lơh jăt tơl ală broă pal geh lơh. Tus ngai 24/8 kơnòm bơsram kai 2 mu\t bơsram, kơnòm pa lòt bơsram mờ kai bơsram 1 den bơh ngai 31/8 mu\t bơsram lơh jăt di pal mờ khà niam bơsram geh ai”.

Bal mờ gùt lơgar, kơnhoàl tiah sar lơgar ngài Kbang, càr Gia Lai-[òn lơgar tòm cau khin cha jăk chài Núp dê neh rơcang tơl nam bơsram pa, tàm broă lơh ngan bơh mpồl đơng lam Đảng, gơnoar atbồ, ală gah, mpồl lơh broă geh gơnoar bal mờ làng bol geh ai broă sền gròi kuơ màng tus mờ broă bơto bơtê mờ bơsram dê.

Cau mblàng Ndong Brawl