VOV4.K’ho – Bal mờ kơnòm bơsram gùt lơgar, drim òr 5/9, 455 rbô nă kơ nòm bơsram ală kòn cau càr Daklak kung chờ hờp tàm ngai mut nam bơsram pa 2017 – 2018. Nam bơsram 2017 – 2018, Daklak geh rlau 455 rbô nă kơ nòm bơsram ală kấp bơsram, tàm hơ\ rlau 40% kơnòm bơsram là oh kòn làng bol kòn cau. Pơn drờm mờ nam bơsram lài, khà kơ nòm bơsram tàm càr Daklak gơguh mờr 3 rbô 800 nă. Nam bơsram pa, gah bơto bơsram càr Daklak đal git, pơnjat tai chồl mhar tơngai mut lơh rơndap broă bơto wơl kấp mầm non ai kơnòm 5 sơnam in, tơnguh cồng nha bơto bơsram ngan là tàm tiah sar lơgar ngài tiah làng bol kòn cau.

Hìu bơsram kòn cau càr Daklak, kơnòm bơsram kòn cau car chờ ngan tàm ngai mut nam bơsram pa

Kơnòm bơsram ala\ kòn cau tàm tiah nhàr lơgar càr Gia Lai drim (5/9), kung neh chờ ngan mut lơh sơnđờm nam bơsram pa. Tà  ờ ua\ tiah, bơh bơta lòt rê  kal ke, cau ling sền gàr nhàr lơgar neh tus bal lam sồr,  dong broa\ mờ dong kờl bơta nàng  ala\ oh geh lòt bơsram. Nam bơsram do,  gùt càr Gia Lai geh mờr 383 rbô na\ kơnòm bơsram lòt bơsram tàm rlau 830 hìu bơsram. Tàm ua\ tiah, geh git la bơta krơi is tàm tiah sar lơgar ngài, gah bơto bơtê  neh lơh ngan ai jơh pràn nàng gàr tơl ala\ bơta kờ` kơnòm bơsram geh tus lòt bơsram,  lam sồr tus ơdu\, ba` lời khi sang bơsram. Mờ 7 xã tiah nhàr lơgar càr dê,  mpồl ling sền gàr nhàr lơgar neh  dờp  ròng siam 48 na\ oh jat broa\ lơh dong bal mờ oh geh lòt bơsram,  pơ gồp bal lơh niam gàr tơl kơnòm bơsram geh lòt bơsram tus ơdu\ tàm nhàr  lơgar.

Cau ling sền gàr nhàr lơgar Gia Lai lam sồr kơnòm bơsram tus hìu bơsram

Tàm càr Kontum, dơ\ mut nam bơsram pa 2017- 2018 geh bơyai lơh dùl dơ\ le\, yu\ rơ yùm mờ chờ hờp. Nam bơsram do, càr geh rlau 152 rbô nă kơnòm bơsram, gơguh mờr 3 rbô nă kơnòm bơsram pơn drờm mờ nam bơsram lài. Rơcang lài phan bơna ai nam bơsram pa in, càr neh bơcri lơh pa 258 ơdu\ bơsram, 20 cơldu\ bộ môn mờ ală broă lơh ndai mờ kờp jơh priă bơcri rlau 100 tơmàn priă. Blơi bơ tơl phan bơna bơto bơsram mờ priă jền blơi rlau 43 tơmàn priă. Jơh ală kơnòm bơsram kòn cau càr dê ndrờm geh tơl sră mai\, sră cih mut tàm nam bơsram pa.

Drim òr, 5/9,  rlau 165 rbô na\ kơnòm bơsram ala\ kấp bơsram tàm gùt càr Daknông  geh  chờ ngan  lòt sơnđờm nam bơsram pa. Nam bơsram 2017-2018, gùt càr Daknông geh 391 hìu bơsram, gơ lin 6 hìu bơsram pơndrờm mờ nam bơsram lài. Rcang tàm nam bơsram pa, gah bơto bơtê càr Daknông neh bơcri rlau 153 tơmàn pria\  ngui lơh pa hìu bơsram phan bơna ngui bơsram, phan drơng ngui bơto mờ bơsram bơh pria\ dà lơgar mờ ala\ khà pria\ trơ gùm geh bơh mpồl bơtìan ta\ bal. Di tu\ mut nam bơsram pa, neh geh git nđờ rhiang bơnah pria\ bơsram neh jàu tus kơnòm bơsram rbah bơsram jak tàm càr. Tàm hơ\ geh 197 bơnah  pria\ bơsram bơh Hội khuyến học càr Daknông jàu pà, 170 bơnah pria\ bơsram bơh UBND càr Daknông jàu pà, tơl bơnah pria\ bơsram  geh tus  bơh 1 tus 10 tơlak pria\, neh bal mờ git nđờ bơnah pria\ bơsram bơh ala\  cau dùl na\ sa\, mpồl bal càr Daknông jàu pà.

Sơnđờm mut nam bơsram pa tàm Hìu bơsram tiah sar lơgar ngài

                        Cau cih mờ yal tơnggit K’ Brọp mờ K’ Duẩn