VOV4.K’ho – Bulah tus ngai 5/9, ală hìu bơsram tàm càr Kontum hơ\ sồng dùl ròt bơyai lơh mut nam bơsram pa 2017 – 2018, mơya sơn đờm bơh ngai 14/8 tus do, ală kơ nòm bơsram neh ngan ngồn sơn đờm ngai bơsram sơn rờp bơh tơngai bơsram dơ\ 1 dê. Tàm kơnhoàl tiah nhàr dà lơgar Đak Glei, là tiah gam uă kal ke bơh càr Kontum dê, broă rơcang tus nam bơsram pa neh duh hồl ngan:

Nam bơsram pa 2017 – 2018, kơnhoàl tiah nhàr dà lơgar Đak Glei, càr Kontum geh rlau 12 rbô nă kơnòm bơsram ală cấp bơsram, tàm hơ\ uă ngan là oh kòn làng bol kòn cau. Bal mờ broă bơto pơlam bè mờng chài lơh broă ai mpồl cau pơgru in, nàng rơcang tus nam bơsram pa, gơnoar atbồ mờ gah bơto bơtê mờ bơsram kơnhoàl neh ai priă lơh niam wơl 526 cơldu\ bơsram tàm 38 hìu bơsram. Ùr pơgru Đoàn Thị Thu, atbồ hìu bơsram mầm non xã tiah nhàr dà lơgar Đak K’roong pà git, nam bơsram pa do hìu bơsram geh 430 nă kơnòm bơsram, uă ngan là oh kòn làng bol kòn cau. Broă rơcang phan bơna bơh hìu bơsram dê nàng dờp kơnòm bơsram tus ơdu\ bơsram tu\ do neh lơh jơh. Ùr pơgru Đoàn Thị Thu pà git: “Hìu bơsram kung neh gàr tơl phan bơna kơ nòm dềt in. Jơh ală cơldu\ bơsram, kơbàng, cơ ge\, ală phan bơna, phan ngui bơto bơsram ndrờm tơl nàng drơng jơnau kờ` bơh nam bơsram pa dê. Phan nhơl den tàm nam bơsram 2016 – 2017, hìu bơsram neh geh pà ờ uă bơta phan nhơl. Bal mờ hơ\, hìu bơsram kung neh lam sồr ală mè bèp kơnòm bơsram pơ gồp bal lơh phan nhơl bơh gle, đơr, kong rơndeh, lơh geh ờ uă phan nhơl ai jơh 6 hìu bơsram in ndrờm geh phan nhơl lơh is.”

Kal ke ngan rlau jơh tus mờ gah bơto bơtê mờ bơsram bơh kơnhoàl tiah nhàr dà lơgar Đak Glei, càr Kontum dê tàm nam bơsram pa do là bơta ờ tơl cau pơgru. Klau pơgru Lê Hải Lâm, Phó kuang atbồ Phòng Gíao dục mờ Đào tạo kơnhoàl pà git, biên chế kuang bàng atbồ hìu bơsram tu\ do gam ờ tơl 37 nă Phó kuang atbồ. Cau pơgru bơto bơtê tơn ờ tơl mờr 200 nă, tàm hơ\ hìu bơsram mầm non ờ tơl uă ngan rlau jơh, mờ 149 nă cau pơgru. Pơgru Lê Hải Lâm pà git: “Tu\ do tàm kơnhoàl geh UBND càr jàu bơh nam 2012 là 942 nă cau pơgru. Khà geh jàu do pơn drờm mờ tu\ do den cau pơgru gam ờ tơl. Jat ală jơnau cih pa bơh Bộ Gíao dục mờ Đào tạo, Bộ Nội vụ dê den khà kơnòm bơsram, ngan là mầm non, kơnòm bơsram ơm ngai mờ bơsram 2 [ùi tàm 1 ngai den khà êt ngan rlau jơh pal là 1,5. Khà tu\ do tàm kơnhoàl mìng pa rơp geh 1,1. Bơta do Phòng Gíao dục kung neh cribơyai mờ UBND kơnhoàl, cribơyai mờ Sở Gíao dục nàng lơh broă mờ ală anih lơh broă geh gơnoar, bơ tơl tai biên chế kơnhoàl in.”

Bal mờ bơta rơcang lài tàm broă rơcang phan bơna, mpồl cau pơgru, gah bơ to bơtê mờ bơsram kơnhoàl Đak Glei, càr Kontum kung neh lam sồr geh dùl khà uă ngan sră mai\ mờ phan ngui bơsram dong ală kơnòm bơsram geh rài kis kal ke sơlơ pin dờn rlau tai mut tàm nam bơsram pa.

                                                            Cau cih mờ yal tơnggit K’Duẩn