VOV4.K’ho - Ngai do, tàm [òn dờng Buôn Ma Thuột, càr Daklak ngan ngồn geh lơh chờ Kơphe Buôn Ma Thuột dơ\ 6,  mờ pơr lòng cing mồng Tây Nguyên nam 2017. Tàm ala\ ngai do,  nùs nhơm bơta chờ hờp neh gơ rềng tus jơh ala\ [òn ngài, [òn rềp tàm Tây Nguyên. Tàm càr Kontum, tàm [òn Năng Lớn 3, xã Đak Sao,  kơnhòal Tu Mơ Rông, 25 na\ cau chài [òn dê neh geh ai tus bal dơ\ lơh chờ neh lơh ngan rcang mờ lơh ngan tàp mờ bơta kơp kờ` tus ngai chờ dờng, ala\ bơta niam chài niam ngan bơh kòn cau he dê.

            Bơh lồi poh lài,  tàm [òn plei Năng Lớn 3, xã Đak Sao, kơnhòal Tu Mơ Rông  bulah la tu\ tơngai gam ru,  gơya 75 hìu nha\ làng bol tàm [òn den geh gơ lơh ờ ru ua\ ngan. Lùp den hơ\ sồng git,  làng bol gam lơh ngan rcang cing mồng mờ lơh ngan tàp  kờ` lòt gùng tus bal drờng cing mồng Tây Nguyên tàm [òn dờng Buôn Ma Thuột, càr Daklak. geh làng bol pin dờ` pồ lơh cau atbồ mpồl cau chài, bi A Bau ai git, làng bol pơnyờ sa\ ngan tu\ [òn he dê geh ala mat tus làng bol kòn cau Sơdàng tàm Kontum tus bal dơ\ lơh chờ:

            Làng bol oh mi tàm [òn chờ ngan, lơh ngan tàp mờ bơta kơp kờ` nàng tus bal tam tìp mờ ala\ kòn cau oh mi ndai tàm càr Daklak. Kơp kờ` tơl cau git geh bơta  bơhìan chài rgơi bơh  cau Sơdàng.

Rcang phan bơna nàng mut lơh yàng crap bòng mbòr dà.

            Tus mờ dơ\ pơrlòng cing mồng Tây Nguyên  nam do tàm [òn dờng Buôn Ma Thuột, càr Daklak, ala\ cau chài bơh [òn plei Năng Lớn  3 neh rcang lài 5 jơnau dròng cing mồng niam ngan rlau jơh bơh kòn cau he dê, geh; yal  tơnggit bơhìan chờ lơh bòng dà mbòr, uh Klông Put, đơs crih kòn cau ùr klau, lơh wơl chờ sa rơ pu chờ Hìu [òn pa,  geh dròng, dròng cing mồng, tam ya [òn lơgar ngai chờ mờ gờm chờ geh jai pha. Kờ` ala\ jơnau lơh geh gơ rờm bal, di pal mờ bơta sơng khơ\u  pa,  cau chài bơh [òn plei Năng Lớn 3 geh ua\ bơceh ngan tàm broa\ rcang ala\ phan lơh, bè lơh lài  ala\ phan ngui, broa\ lơh ala\ pơrya tàm dơ\ lơh yàng lơh bòng mbòr dà, ngui ala\ phan gle, đơr lơh ala\ đào tà tus cau  pơr lòng tam lơh tàm lơh lam lơh chờ sa rpu gờm ch hìu [òn pa, geh ngui  su\ lơh mờ đềs tàm bơta lơh  yàng siat mhàm su\ lơh  yàng...Tus bal tơnggu me geh yal tơnggit dơ\ lơh yàng crap bòng mbòr dà bơh làng bol cau Sơdàng, cau chài A Nghíc mờ A Nuân ai git,  bơta mờ lơh ala\ bi gơ lơh  kờ` ngan la geh lơh di bơyai lơh chờ  di bè dơ\ bơyai lơh chờ pah nam tàm [òn:

            Pah nam sùm tàm di nhai 8, nhai 9 la jơh mờ [òn geh bơyai lơh lòt lơh bòng mbòr dà bơh bồ  tô dà kờ` làng bol geh dà ngui sa. Bòng dà do la gơ kuơ màng ngan tus mờ làng bol.

            Bi A Nuân yal:

            Sơnrờp la kra [òn lòt sền dà tô, jơh lòt sền  hơ\ sồng rê yal làng bol in, bơh làng bol geh yal jơh mờ [òn. Bơta pơrya bơh bòng dà mbòr la rê drơng ai tus hìu nha\ kờ` geh sa kòi pa,  geh dà hùc, geh dà tru\ biap piang.

Tàp cing mồng tam ya.

            Kơnờm geh git w\a sền gàr den tàng bulah rài kis tu\ do gam lơh geh bơta gơ bơklơn dờng ngan tus mờ bơhìan, mơya làng bol tàm [òn plei Năng Lớn 3 gam sùm lơh, sền gàr mờ bơtàu tơngguh geh bơhìan chài rgơi bơh kòn cau he  mo tơn tàm rài kis. Bal mờ sap đơs, akhar cih geh ngui pah ngai, hìu nha\ lơi  tàm [òn kung geh phan soh bơhìan. Ròt broa\ lơh chờ niam bơne\ bơh mpồl bơtìan mờ tàm bơta hìu nha\ kung geh làng bol sền gàr ngan sùm. Lo\ Hùynh Thị Ngọc Lành cau kuang lơh broa\ tàm Phòng văn hoa\, thông tin kơnhoàl Tu Mơ Rông ai git,  do ngan la  bơta bơh tài kờ` càr Kontum rwah mpồl cau chài [òn plei Năng Lớn 3, xã Đăk Sao tus bal dơ\ pơr lòng cing mpồng Tây Nguyên nam do:

            Bơh tài  kờ` Phòng Văn hóa, thông tin kơnhòal rwah mpồl cau chài [òn plei Năng Lớn 3 tus pơr lòng tàm Daklak dơ\ do, lài jơh la Đăk Sao la bơta tờm ngan  geh cìng mồng, tam ya bơh lài tus tu\ do. Broa\ lơh bơtô bơsram wơl kòn sau in cing mồng,  ala\  jơnau tam ya tàm do geh lơh niam ngan. Tàm do, ua\ ngan ala\ cau chài, ngan la cau kơnòm sa\. Phòng geh rwah ala\ cau chài la cau gam kơnòm geh lòt tam tìp mờ càr ndai kờ` geh bơsram, đòm jat ala\ bơta mờng bơh ala\ mpồl ndai.

Tàp dròng cing mồng [òn lơgar mut tàm ngai chờ.

            Bal mờ 25 na\ cau chài bơh [òn Plei Năng Lớn 3, xã Đắk Sao, kơnhòal Tu Mơ Rông, càr Kontum gam geh 5 na\ cau chài tus bal tàm broa\ lơh trah mòn rùp tàm dơ\ pơr lòng cing mồng Tây Nguyên tàm [òn dờng Buôn Ma Thuột, càr Daklak. Jơh ala\ neh rcang tus dùl ngai chờ dờng.

                                             Cau cih mờ yal tơnggit K’ Brọp