VOV4.K’ho – Bơh broă lơh ki\ tam klac bơtàu tơnguh tơl làm, ngan là tam klac bơ to bơtê cau lơh broă, càr Kontum neh dờp, bơto bơtê git nđờ rhiang nă kơnòm bơsram ỳam ală càr đah jum lơgar Lào tus bơsram dà yoan mờ ală gah broă lơh. Geh uă kơnòm bơsram lơgar Lào tu\ rê wơl hờ lơgar neh brồ guh niam pràn jak lơh broă, gơ gơs kuang bàng dờng màng tàm ală càr Attapư, Sekong mờ Champasak.

Mìng is nam bơsram 2016 - 2017, càr Kontum dờp rlau 120 nă kơnòm bơsram tus bơh ală càr đah jum lơgar Lào là Champasak, Salavan, Sekong mờ Attapư. Tu\ do geh rlau 50 nă kơnòm bơsram gam bơsram tàm 16 gah broă lơh bơh hìu bơsram Đại học Đà Nẵng dê tàm Kontum. Rlau 70 nă kơnòm bơsram lơgar Lào gam bơsram dà yoan tàm hìu bơsram Cao đẳng Sư phạm Kontum.