VOV4.K’ho – Hìu sơnơm kơnhoàl Đak Tô, càr Kontum tu\ do gam gal ir cau tài cau gơbàn kòp mprơm gơlik mhàm mut tàm hìu sơnơm nàng sơm gơguh uă nisơna. Mờ rlau 540 nă cau mut tàm hìu sơnơm sơm kòp, kơnhoàl Đak Tô là tiah geh khà cau gơbàn kòp mprơm gơlik mhàm uă ngan rlau jơh tàm càr Kontum kờp bơh bồ sơnam tus tu\ do. Mìng is tàm nhai 7 pa do, hìu sơnơm kơnhoàl neh dờp sơm kòp 225 nă cau kòp. Bulah geh pà git là kòp mprơm gơlik mhàm tàm tiah do gam ngai sơlơ gơmù, mơya tus ngai 2/8, kung gam geh 36 nă cau kòp gam pal sơm kòp tàm hìu sơnơm. Bác sĩ Tô Ngọc Phấn, kuang jat jơng atbồ hìu sơnơm kơnhoàl Đak Tô pà git, ờ hềt nam lơi kơnhoàl geh khà cau gơbàn kòp mprơm gơlik mhàm uă bè nam do mờ bơta do gam lơh gơbàn bơta gal ir cau kòp tàm hìu sơnơm.

                   Cau cih mờ yal tơnggit K’ Duẩn.