VOV4.K’ho – Drim òr 8/5, Mpồl duh broă ala mat mpồl kơnòm dềt càr Kon Tum bơyai lơh Dơ\ tơngkah 75 nam Ngai crơng gơs Mpồl kơnòm pa tàu lam lài Hồ Chí Minh mờ jờng rơ kơnòm dềt r[ah sơr lèt gan kal ke, mpồl cau pơnrơ jak.

Lơh jat bơhiàn pơnrơ ngan 75 nam bơtàu tơnguh mờ dờng pràn bơh Mpồl kơnòm pa tàu lam lài Hồ Chí Minh dê, tàm ală nam rềp ndo, 251 liên đội bal mờ 90 rbô nă cau kơnòm pa tàu, kơnòm dềt bơh càr Kontum dê neh geh uă broă lơh lơh geh cồng nha niam lơh tơngkah wơl geh nùs nhơm tam klac bal, tàm dong kờl bal, pơnrơ ngan bè broă lơh “Kơnòm dềt Kontum mu\t lơh niam 5 jơnau Bác Hồ bơto sồr”, dơ\ lam sồr “Tài rơnàng oh hềt kờn gơboh”, “Goàng tê gơ\p bơyô”; srơh “Rbô broă niam”, “Broă rơndăp lơh dềt”,…Di tơngkah 75 nam ngai crơng gơs Mpồl kơnòm pa tàu lam lài Hồ Chí Minh, Mpồl duh broă ala mat mpồl kơnòm dềt càr Kontum jờng rơ mờ pà phan jờng 80 nă kơnòm pa tàu, kơnòm dềt pơnrơ jak sơr lèt gan kal ke lơh ngan tàm broă bơsram mờ rài kis; 25 mpồl pơnrơ jak tàm ngai chờ dờp sền sră jờng rơ “Bơsram tàp cau tàm mpồl kơnòm dềt”.

Jờng rơ mờ pà phan jờng ai 80 nă kơnòm dềt r[ah sơr lèt gan kal ke in

Sơr lèt gan rài kis kal ke, sùm uă nam do là kơnòm bơsram jak, oh Mai Thị Lệ, bơsram ơdu\ 9B, Hìu bơsram kai II ntum Bờ Y, kơnhoàl Ngọc Hồi, càr Kontum, là dùl tàm 80 nă kơnòm dềt tàm mpồl geh jờng rơ mờ pà phan jờng tàm dơ\ do, pà gi\t: “Mè bèp chơ\t bơh gờn ngan, sau pal kis mờ bi. Bi sau lơh broă sa sươn sre, priă lơh geh pah nhai dùl e\t ngan. Ngai do, geh jờng rơ pà phan jờng, sau gơlơh chờ hờp ngan gi\t lơh, là dùl bơta pơn jờng uă ngan gơ wèt tus mờ sau. Tơnơ\ do, sau geh lơh ngan bơsram jak rlau tai nàng gơ gơs là dùl nă cau tàm mpồl ơruh pơnu niam, tơnơ\ do geh kuơ ai làng bol [òn lơgar mờ dà lơgar in”.

Cau cih mờ yal tơngi\t- Lơ Mu K’ Yến