VOV4.K’ho – Di tơngkah ngai cau pơgru Việt Nam (20/11), drim òr, 14/11, mpồl cau pơgru yau càr Kontum bơyai lơh kah ưn ngài ală cau pơgru neh jơh sơnam lơh broă geh pơn rơ jak. Tàm dơ\ kah ưn ngài, ală cau ala mat neh yal wơl bơhìan yau ngai cau pơgru Việt Nam dê; tam pà bal ală nùs nhơm, jơnau kah kir bè tơngai lơh broă tàm gah bơto bơtê mờ bơsram càr tàm tơngai lài. Tàm do, kuang đơng lam bồ càr Kontum neh pơyua jơnau lùp còp, pơn jờng, nting sap ală cau pơgru neh jơh sơnam lơh broă pràn kơldang, kis chờ hờp, kis pràn, kis geh kuơ. Mơkung sồr mpồl cau pơgru yau càr pal mut lơh ală srơh hòi jà, bơ tòm tơr gùm mpồl cau kuang, cau pơgru jơh sơnam lơh broă tă pơgồp bồ tơngoh jak, mờng chài lơh broă nàng drơng broă bơtàu tơnguh bơto bơsram tàm tơngai pa.

             Cau cih mờ yal tơnggit K’ Duẩn