VOV4.K’ho – Bơh ngai 4 sa tềp, ală drà tàm [òn dờng Kontum gơ lơh duh hồl rlau tài bơh khà cau tac phan neh gơguh uă, bulah bè hơ\ jơnau kờ` blơi phan ngui sa làng bol dê ờ hềt uă. Khà priă tac ală bơta phan biap kơnuh, plai chi neh gơmù mờ hời rơ hời bè ờs wơl, bulah geh ờ uă bơta phan sa kung gam tac mờ khà priă jơnhua rlau mờ ngai ờs mơya kung ờ huan jơnhua ir. Khà blơi kung mìng tơr gùm tàm ờ uă bơta phan tàm dà gam ris, poac kơn rồ mờ biap. Pơn drờm mờ pah nam, khà priă ală bơta phan sa sa tềp nam do mhar bè ờs wơl, là tềl tơnggo\ niam tus mờ cau ngui sa tài bơh ờ kơ lôi là pah tu\ tơ nơ\ sa tềp den phan bơna gơguh kas khà priă bè ală nam lài.

          Cau cih mờ yal tơnggit K’Duẩn