VOV4.K’ho – Tơnơ\ 5 nam lơh tơrlòng lài, càr Kontum neh sền swì pràn jak mờ gam lơh sră nggal nàng rwah ngan ngồn ală cau kơnòm să geh bồ tơngoh jak tàm Rơndăp broă lơh tơrlòng lài ai cau kơnòm să geh bồ tơngoh jak ngan, jơh bơsram đại học rê lơh Phó Kuang atbồ Ủy ban Nhân dân xã tàm ală kơnhoàl r[ah.

Bơh nam 2011, càr Kontum rwah geh 18 nă cau tus bal tàm Rơndăp broă lơh tơrlòng lài rwah cau kơnòm să geh bồ tơngok jak ngan, jơh bơsram đại học ai rê lơh Phó Kuang atbồ Ủy ban Nhân dân xã tàm 2 kơnhoàl r[ah là Kon Plông mờ Tu Mơ Rông.

Cồng nha tơnơ\ 5 nam pà go\, uă ngan ală cau tàm mpồl rơndăp broă lơh do neh tơngo\ geh nùs nhơm gi\t sơrlèt gan kal ke, bơceh pa, bal mờ mpồl cau tàm Ủy ban Nhân dân xã lơh kơnòl broă bơtàu tơnguh lơh sa- mpồl bơtiàn bơh xã dê.

Geh 13 nă cau tàm mpồl 5 nam sùm geh ală tiah sền swì săp khà lơh jơh jak kơnòl broă; 15 tàm 18 nă cau tàm mpồl geh rơndăp ai at ală gơnoar broă Ủy viên Ban Chấp hành Đảng bộ, Ủy viên Ban thường vụ Đảng ủy kơnă xã, Bí thư, Phó Bí thư Đảng ủy xã, Kuang atbồ Ủy ban Nhân dân, Hội đồng Nhân dân xã tơngai lơh broă bơh nam 2015- 2020.

Cau cih mờ yal tơngi\t- Lơ Mu K’ Yến