VOV4.K’ho – Ală anih lơh broă geh g noar kơnhoàl Kon Plông, càr Kontum gam pơnjat tai lùp khàu lơh loh broă bol blơ\ mut tàm brê rơ wah ală tờm chi dờng, kơl òt tơn tềng hơ\, hơ\sồng sồr git nđờ jơt nă cau tùng lik hờ gùng Đông Trường Sơn, ơn tàm rơndeh dờng pơndiang lòt tac den gơtìp kup bàn.

          Broă do gơlik geh tàm bă sồ 5, bơnah 13 mờ bă sồ 1, bơnah 16, bă brê 502 di ntum Hiếu, kơnhoàl Kon Plông. Bă brê bơh anih suơn dờng tam sền gàr brê Măng La, dùl mpồl lơh broă di mpồl lơh sa kă bro tam sền gàr brê Kon Plông atbồ. Tàm ngai 7/3/2016, tàm tu\ lòt sền, kuang bàng anih sền gàr brê Măng La sền go\ tàm tiah do geh ờ uă cau koh kơl aniai brê. Bơyai lơh ơm kràu, tus 8 jiơ mang, bol blơ\ sồr 40 nă cau bơh kơnhoàl K’Bang, càr Gialai tus tùng dơm chi tus hờ rềp gùng Đông Trường Sơn nàng ơn tàm rơndeh dờng pơndiang lòt tac den gơtìp mpồl lơh broă bơh anih sền gàr brê pơ gồp bal mờ kuang àng kơnhoàl kup bàn. Phan kup bàn geh 1 nơm rơndeh dờng 15 cơ ge\ nggui Toyota geh bàng sồ 81K – 5553 mờ 153 gơl dơm chi neh òt di mpồl 6, tàm hơ\ geh 132 gơl dơm chi xoan đoài, gam wơl là dơm chi kháo, kờp jơh rlau 14 khối. Bal mờ hơ\, kuang àng kơnhoàl kung sồr rê hờ anih lơh broă nàng lùp khàu 15 nă cau geh pin.

                                  Cau cih mờ yal tơngit K’ Duẩn.