VOV4.K’ho – Pơgap 1 jiơ mho òr, 30/6, tàm gùng Hồ Chí Minh, gơl lòt gan xã Đak H’ring, kơnhoàl Đak Hà, càr Kontum gơlik geh dùl dơ\ rềs àr gùng lòt ngòt rơngơt ngan lơh 2 nă cau chơt mờ rlau 10 nă cau gơtìp sồt să. Tơnơ\ mờ tu\ gơlik geh rềs àr, kuang đơng lam bồ càr Kontum neh tus tềng tiah gơlik geh rềs àr, đơng lam tơn broă dong kờl rềs àr mờ bơyai lơh lùp còp, pơn dờm cau gơtìp sồt să.

UBND càr Kontum sồr hìu sơnơm kơnhoàl Đak Hà mờ hìu sơnơm càr Kontum ai tơl phan bơna kuơ màng, mhar sơm cau gơtìp rềs àr in. Mpồl kuang àng lơh niam broă tam pà gùng lòt, gàr niam ờ do ờ dă ală rơndeh rơndồ lòt rê in, lùp khàu lơh loh jơnau lơh gơbàn rềs àr. Tàm mho òr, kuang đơng lam bồ càr Kontum kung neh tus hìu sơnơm lùp còp, pơn dờm cau gơtìp aniai, dong kờl hìu nhă geh cau chơt 2 tơlak priă mờ cau gơtìp sồt să 1 tơlak priă. Mìng is kơnhoàl Đak Hà, là tiah gơlik geh rềs àr, dong kờl hìu nhă geh cau chơt 5 tơlak 400 rbô mờ cau gơtìp sồt să 1 tơlak priă.