VOV4.K’ho - Tơngai duh, trồ prang gam pơnjat tai gơbàn aniai ua\ ngan tus rài kis, ơm kis lơh broa\ sa bơh làng bol càr Kon Tum. Tàm ntum Amang Mơ-rai, kơnhoàl Sa Thầy, broa\ ờ hoan geh ngan dà ngui sa geh gơlam tus làng bol pal ngui dà ờ tơl kloh neh lơh kòp jê ndul gơjroh gơbàn ua\. Tềng đap gơbàn do, gơnoar atbồ kung bè gah lơh broa\ geh gơnoar [òn lơgar tam mut lơh ala\ broa\ lơh kờ` ngan  nàng  sơndra\ kơryan kòp bơtờp mờ bơyai lơh ai dà ngui sa làng bol in.

            Kờp bơh nhai 2 tus tu\ do, tàm ntum Amang Mơ-rai, kơnhoàl Sa Thầy, hìu sơnơm ling klàng mờ làng bol lơh bal bơh mpồl lơh broa\ sa sền gàr dà lơgar 78, Binh đoàn 15 neh dờp, ai mut hìu sơnơm mờ sơm kòp tus rlau 50 na\ cau kòp,  ua\ ngan la kơnòm dềt gơbàn kòp jê ndul gơjroh. Tàm hơ\,  mìng is bơh bồ nhai 3 tus tu\ do,  neh geh 32 na\ cau tàm hơ\ geh 3 na\ sau dềt kòp jrua\ neh pal cèng tus hìu sơnơm dờng rlau nàng sơm kòp. Hơ\ la ờ hềt kờp jơh cau kòp geh sơm kòp tàm hìu sơnơm ntum mờ blơi is sơnơm geh rê hìu hờ hìu. Jat bác sĩ Vũ Thị Minh Hiếu atbồ hìu sơnơm ling klàng mờ làng bol lơh bal, gơ pơlam tus kòp jê ndul gơbàn ua\ la bơh trồ tiah tơngai duh, trồ tiah  tam gơl nisơna bal mờ làng bol ngui dà ờ tơl kloh:“Dùl là tơngai ua\ duh ir. Dơ\ 2 tai la bơh dà ngui sa ờ tơl. Ờ tơl dà geh làng bol kùai ala\ tơ lồk dà  dềt tềng gah dà dờng hơ\ sồng geh bơ\ rê hùc. Geh hìu den geh  tru\ sin dà, geh hìu den bơ\ dà cèng rê  hùc tơn gơlam tus gơbàn kòp jê ndul. Tơngai duh mờ sùm jo\ jòng bè do, dilah ờ dong kờl làng bol khà dà kloh den gơbàn tus kòp pluh dờng.  Ờ mìng kòp jê ndul gơroh mờ gam gơbàn kòp mprơm, kòp tàm gùng ta\ nhơm tai”.

Cau kòp mut tàm hìu sơnơm sơm kòp jê ndul tàm Hìu sơnơm ling klàng làng bol lơh bal.

            Tàm [òn plei Le, tiah geh gal ngan cau kòp gơbàn jê ndul gơ jroh ai go\,  tàm 92 nơm tơrlung  dà tờ bơh ala\ hìu nha\ làng bol tàm [òn, den geh tus rlau 80 tơrlung neh  soat dà. Nàng geh dà ngui sa,  ngui pah ngai,  làng bol neh tus hờ dà  dờng Sa Thầy mờ ala\ dà tô rềp [òn tờ ala\ bơtô dềt geh dà rê ngui. Hìu geh  2 na\ cau dờng mờ 3 kòn dềt gơbàn kòp jê ndul gơ jroh, tàm hơ\ geh sau Y Vi Thị Yên 8 nhai gơbàn kòp jrua\ neh pal cèng tus hìu sơnơm kơnhoàl Sa Thầy nàng  sơm kòp,  ồng A Roih, dùl na\ làng bol ai git:“Pal ngui  gơ, di lah ờ ngui den ờ geh dà ngui. Ờ  bơ\ dà den tơngai duh bè do bơh geh ai. Kòp jê ndul gơjroh slơ ngai slơ gơbàn ua\ geh lơh aniai ngan  tus pràn kơldang sa\ ja` bơh làng bol tàm [òn”.

Làng bol [òn Plei Le tờ ala\ tơ lồk dềt kềng gah dà dờng Sa Thầy  kờ` geh dà ngui sa.

            Nàng kơryan kòp jê ndul gơjroh, hìu sơnơm kơnhoàl Sa Thầy bal mờ broa\ bồr jơh ala\ bơtô dà neh lơh pràn broa\ mblàng pơlam, geh pơlam làng bol mut lơh broa\ sa sin, hùc duh mờ lam sồr làng bol ba` bơ\ dà  bơh dà dờng, dà croh rê ngui. Mơ kung, gơnoar atbồ mờ gah lơh broa\ geh gơnoar mờ [òn lơgar kung  gam lơh mhar mut lơh broa\ ai dà ngui sa tus làng bol tàm ala\ [òn ờ tơl dà tàm ntum,  lơ yài ngan la tàm ngai do 22/3. Mò Tống Thị Nghĩa atbồ cơldu\ lơh broa\ sa mờ bơtàu tơngguh [òn lơgar kơnhoàl Sa Thầy ai git:“Kơnhoàl neh lam sồr tàm ntum tàm di ngai do hala ngai hìng pal blơi ala\ sơntèk dà  kờ` pơndiang dà làng bol in dùl ngai 2 dơ\, bùi drim mờ bùi mho. Tu\ làng bol rê lơh broa\ he geh ai dà làng bol in tơl, ai dà la ờ sa pria\”.

                   Cau cih mờ yal tơnggit K’ Brọp