VOV4.K’ho –  Geh bơta dùl nùs bal bơh Kuang gơs gơnăp gơnoar atbồ hơđang rlau jơh dà lơgar dê, Gah Lơh broă sa mờ bơtàu tơnguh [òn lơgar càr Kontum gam lơh dùl rơndăp broă lơh ờ hềt geh bơh lài, hơ\ là ngui bơnah priă 27 tơmàn bơh priă tă tơm priă sơngka sền gàr brê nàng lơh pơngàr kờn sền gàr bă brê chi trắc gam wơl dùl bă lơm bơh gùt lơgar dê tàm ntum Đak Mar, kơnhoàl Đak Hà. Bơta geh ngan ai go\, broă geh dùl pơngàr nàng cang bă brê ơnàng rlau 546 lồ do mờ ală [òn làng bol ơm kis kung bè sươn mìr lơh sa bơh làng bol dê neh là jơnau kơ\p kờn ngan bơh jo\ do bơh ală kuang bàng, mờ cau lơh broă tàm do dê, tài bơh jơnau do geh dong broă atbồ sền gàr brê chi trắc geh cồng nha rlau tềng đap ală broă lơh blơ\ blăc rơlăc rơliang ngan bơh bol koh kơl chi brê tìs mờ adat boh lam dê.

Mờ kờp jơh bă brê ơnàng rlau 546 lồ, bă brê dờng màng Đak Ui tàm ntum Dak Mar, kơnhoàl Đak Hà geh chi che 99,4%, tàm hơ\ chi trắc geh rlau 70%. Ồng Nay Y Riu, Kuang atbồ Mpồl atbồ brê dờng màng Đak Ui, pà gi\t: uă ngan chi trắc tàm brê Đak Ui là chi trắc rơmi\t, jat jơnau cih tàm Kơrnoat sồ 32 ngai 30/3/2006 bơh Gơnoar atbồ lơgar dê săp tàm mpồl IIA là chi brê kơryan ờ huan ai koh kơl mờ ngui. Tàm ală nam do, tài bơh khà priă dơm chi trắc tàm drà geh cau kă phan blơi jơnhoa ngan, jơnhoa ngan rlau jơh là gơguh tus gi\t nđờ rhiang rbô đong dùl ki\ neh lơh brê chi trắc Đak Ui sùm gơtìp bol koh kơl chi brê tìs mờ adat boh lam ngui jơh ală broă lơh rơlăc rơliang ngan nàng koh kơl. Ồng Nay Y Riu, pà gi\t: “Tài bơh dơm chi trắc jơnhoa ir den tàng bol koh kơl chi brê tìs mờ adat boh lam là ală cau tus bơh ală tiah, cau ngir kung geh sơl. Bol khi ngui jơh ală broă lơh rơlăc rơliang ngan, uă ngan là tàm trồ mang, tàm tu\ trồ mìu dờng, ờs mờng sùm là bơh 12 tus 15 nă cau. Khi ngui rơnđòt òt mờ tê lơh kal ke mpồl cau sền gàr brê in. Tu\ sền go\ den khi tam lơh wơl mờ cau bơh Mpồl atbồ sền gàr brê dờng màng Đak Ui”.

Nàng sền gàr brê chi trắc kuơmàng ngan, neh geh tu\ tơngai gơnoar atbồ mờ gah lơh broă geh gơnoar càr Kontum pal hòi jà jơh bal mpồl ling klàng mờ kuang àng tus bal dong kờl mpồl cau sền gàr brê chi trắc. Tu\ do nàng kơryan bol koh kơl chi brê tìs mờ adat boh lam, 29 nă kuang bàng, cau lơh broă sa priă nhai dà lơgar bal mờ cau lơh broă bơh Mpồl atbồ sền gàr brê dờng màng Đak Ui lơh 15 nơm sàl tàm brê, tam pà gơ\p drơng sền sùm ngai kung bè mang tàm ală tiah kuơmàng bol koh kơl chi brê tìs mờ adat boh lam sùm tus koh kơl nàng sền gàr chi trắc. Mơya, tài bă brê dờng ir, mpồl cau ờ huan geh uă, kơryan geh tiah do den ờ gơtùi kơryan geh tiah ndai den tàng jơnau bol koh kơl chi brê tìs mờ adat boh lam mu\t tàm brê koh kơl kơ`au chi trắc kung gam geh sơl. Tềng đăp bơta pa yal, Mpồl sền gàr brê càr Kontum pal sùm ai tai mpồl cau lơh broă ai Mpồl atbồ sền gàr brê dờng màng Đak Ui in. Ồng Nguyễn Hoài Tâm, Kuang jat jơng atbồ Mpồl atbồ sền gàr brê càr Kontum, pà gi\t: “Mpồl atbồ sền gàr brê càr Kontum neh geh kơrnoat crơng gơs dùl mpồl lơh broă dong kờl ai Mpồl atbồ sền gàr brê dờng màng Đak Ui in tàm broă lơh atbồ sền gàr. Hơ\ là pah dơ\ lòt sền jòi ku\p là pal geh dùl nă cau kuang jat jơng atbồ Mpồl atbồ sền gàr brê càr halà dùl nă cau jat jơng atbồ Mpồl atbồ sền gàr brê làm bă tiah lơh cau atbồ mpồl lơh broă. Kuang bàng cau lơh broă sa priă nhai bơh mpồl dê e\t ngan rlau jơh là bơh 7 tus 10 nă cau tus lơh bal. Kơnòl broă tờm bơh mpồl lơh broă dê là sơlơ lơh uă tai broă lòt sền, sền gròi mờ sền go\ di tu\ ală broă lơh tìs tàm broă lơh atbồ sền gàr brê tàm brê dờng màng Đak Ui”.

Tài bơh bă brê Đak Ui geh ù tiah ring niam, đah mat tơngai lik rềp bal mờ gùng Hồ Chí Minh, pe đah tô- mat tơngai mu\t mờ đah jum gam wơl ndrờm rềp kềng bal mờ [òn làng bol ơm kis mờ sươn mìr bơh làng bol dê, den tàng do ngan là jơnau [ươn ngan nàng bol koh kơl chi brê tìs mờ adat boh lam mu\t kơ`au tàm brê koh kơl chi trắc. Den tàng bè hơ\ broă geh dùl pơngàr căng bă brê ơnàng rlau 546 lồ do mờ ală [òn ơm kis mờ sươn mìr lơh sa bơh làng bol dê neh là jơnau kơ\p kờn ngan bơh jo\ do bơh ală kuang bàng, cau lơh broă lơh kơnòl broă atbồ sền gàr brê chi trắc tàm do. Ồng Nguyễn Trung Hải, Kuang atbồ Gah Lơh sa mờ bơtàu tơnguh [òn lơgar càr Kontum, pà gi\t: tơnơ\ tu\ geh Kuang gơs gơnăp gơnoar atbồ hơđang rlau jơh dà lơgar hơ ai, mờ kờp jơh là 27 tơmàn priă bơh bơnah priă tă tơm priă sơngka sền gàr brê, dùl pơngàr geh lơh jơnhoa 2 thơk mờ nggùl, lơ u\t 15 phơng gòng gùr dar brê dờng màng Đak Ui gam geh lơh, ngan ngồn geh dong broă sền gàr ală chi trắc kuơmàng niam rlau:“Tài bơh bơta là ờ geh pơngàr sền gàr den tàng bè hơ\ jơnau digơlan gơtìp mu\t koh kơl kơ`au chi che bơh bol koh kơl chi brê tìs mờ adat boh lam dê là uă ngan. Broă lơh atbồ sền gàr brê tìp uă ngan kal ke. Geh Gơnoar atbồ lơgar dong kờl ai càr in 27 tơmàn priă lơh pơngàr. Ngan ngồn tơnơ\ tu\ lơh gơs pơngàr, broă lơh atbồ sền gàr brê geh [ươn rlau mờ geh ờ gam tai koh kơl chi brê tìs mờ adat boh lam bè lài do tai”.

Broă brê dờng màng Đak Ui geh lơh pơngàr sền gàr kơ\ kơl jăp geh dong kuơmàng ngan ai broă lơh atbồ sền gàr brê chi trắc kuơmàng gam wơl dùl bă lơm bơh gùt lơgar dê. Do kung là dùl jơnau ai pơnyơu loh làng ngan bè ală bơta kuơ mờ broă mu\t lơh broă tă tơm priă sơngka sền gàr brê gam cèng wơl ai ală bă brê tàm Kontum in.

Cau cih mờ yal tơngi\t- Lơ Mu K’ Yến