VOV4.K’ho – Tơnơ\ 6 jiơ crùh ồs, tus 5 jiơ mho òr 28/3, ală mpồl lơh broă geh gơnoar bơh kơnhoàl Sa Thầy mờ brê dà lơgar Cư Mom Ray, càr Kontum neh gơtùi kơryan dơ\ ồs sa brê gơlik geh tàm ngai òr.

Dơ\ ồs sa gơlik geh tu\ 11 jiơ ngai òr tàm bă brê 607, bơnah brê bơh brê dà lơgar Cư Mom Ray sền gàr di [òn 2, ntum Sa Sơn, kơnhoàl Sa Thầy. Bă brê gơlik geh ồs sa uă ngan là gle, đơr. Tơnơ\ mờ tu\ klo yal, Anih duh broă làng bol kơnhoàl Sa Thầy neh sồr mờr 100 nă cau tus bal crùh ồs nàng ờ lời ồs sa gơ rề uă. Mơya tài ù tiah kơh bơnơm jơnhua, càl khồm pràn den tàng broă pùh ồs gơtìp uă ngan kal ke. Ồng Đào Xuân Thuỷ, kuang jat jơng atbồ brê dà lơgar Cư Mom Ray neh đơng lam tơn broă crùh ồs sa pà git, tus rlau 5 jiơ mho òr, ồs sa hơ\ sồng geh pùh chơt. Nàng rơcang sơndră ồs gơbàn ồs sa wơl, ală mpồl lơh broă kung gam pơnjat tai crùh ồs tàm tiah gơlik geh ồs sa bulah trồ neh mang. Kung jat ồng Thuỷ, kờp du\ bơh sơn rờp ồs sa lơh hoàc huơr mờr 5 lồ brê. Bă tiah gơlik geh ồs sa ngài mờ mìr bơh làng bol dê den tàng jơnau lơh gơbàn ồs sa brê là tài cau lòt brê neh ờ sền ngac tu\ ngui ồs.

                                         Cau cih mờ yal tơngit K’ Duẩn.