VOV4.K’ho – Lơh jat jơnau bơto sồr Bác Hồ dê “ Lam sồr làng bol chài den broă lơi kung geh cồng nha”, tàm ală nam do, mut lơh jat jơnau đơs “ Iat làng bol đơs, đơs nàng làng bol in git, lơh nàng làng bol in đòm”, kuang bàng cau ling Pôs ling sền gàr tiah nhàr dà lơgar Đak Nhoong, kơn hoàl Đak Glei, càr Kontum neh lơh niam broă lam sồr làng bol, pơgồp bơnah sền gàr kơ\ ngap lơngai, gơnoar tờm tiah nhàr dà lơgar mờ bơt bơtàu dùl ù tiah nhàr dà lơgar ngap lơngai, niam bơne\:

Tàm xã tiah nhàr dà lơgar Đak Nhoong, kơnhoàl Đak Glei, tơl nă kuang bàng, cau ling pôs ling sền gàr tiah nhàr dà lơgar Đak Nhoong ndrờm là cau tờm pròc mhàm mờ ală hìu nhă làng bol kòn cau Jeh Triêng tàm do. Bơh [òn Đak Ung, Đak Gia, Đak Nhoong… tus Đak Nớ, Roóc Mẹt, Roóc Nầm làng bol ờ lời cau ling sền gàr tiah nhàr dà lơgar jơgloh, tơ hìr halà ờ geh anih bic trồ prang pah tu\ lòt ờ hềt tus gùng. Trung tá Trần Xuân Tiềm, atbồ pôs ling sền gàr tiah nhàr dà lơgar Đak Nhoong pà git, nàng geh nùs nhơm kờ` gơboh mờ bơta pin dờn bơh làng bol tàm [òn lơgar dê, sùm tàm ală nam do, broă lam sồr làng bol sùm geh mpồl Đảng, đơng lam bồ pôs ling đal git là broă lơh kuơ màng. Tơl nă kuang bàng, cau ling bơh pôs đồng dê bơdìh mờ lơh ngan lơh jơh kơnòl mờng chài ndrờm lơh ngan tă pơgồp bơta pràn, bồ tơ ngoh jak he dê nàng dong kờl làng bol tàm [òn lơgar. Trung tá Trần Xuân Tiềm “ Pôs ling neh mut lơh niam srơh bơtàu tơnguh lơh sa geh is tàm mpồl bè kes priă bơtàu tơnguh lơh sa pôs ling dê. Mờ ală nùs nhơm bơh kuang bàng, cau ling tàm mpồl dong kờl ală hìu nhă r[ah tàm [òn lơgar nàng lik klàs r[ah.”

Thượng tá Kiều Ngọc Dư, Chính trị viên phó pôs ling sền gàr tiah nhàr dà lơgar Đak Nhoong pà git, nàng lơh niam broă lam sồr làng bol, kuang bàng, cau ling pôs ling sền gàr tiah nhàr dà lơgar Đak Nhoong đal git: broă làng bol kơlôi rơcang, làng bol sơnơng, làng bol kơp kờ` kung là broă mờ kơnòl he dê. Mùl màl tàm broă dong làng bol bơtàu tơnguh lơh sa, kơnờm sac rơwah di ală broă làng bol kờ` nàng dong làng bol, ală broă lơh mờ kuang bàng, cau ling sền gàr tiah nhàr dà lơgar bơt bơtàu, làng bol ndrờm pin dờn lơh jat tus bal jơh nùs den tàng lơh geh cồng nha niam ngan. Thượng tá Kiều Ngọc Dư pà git: “ Tàm ală nam pa do, cau ling sền gàr tiah nhàr dà lơgar neh mut lơh broă lơh dong làng bol bơtàu tơnguh lơh sa, bè broă lơh tam tờm bời lời, tờm sơ nơm kơnuh tàm [òn Đak Ga. Broă lơh ròng kơn rồ sơntìl tàm jơh ală [òn tàm xã. Bơdìh mờ ală kơnòl hơ\ den cau ling sền gàr tiah nhàr dà lơgar gan sồr 6 nă cau geh Đảng geh pràn jak, geh kơnòl tus bal pơrjum mờ chi bộ mờ dong ală hìu nhă tàm [òn.”

Rlau dùl nam do, kuang bàng, cau ling pôs ling sền gàr tiah nhàr dà lơgar Đak Nhoong neh dong làng bol xã Đak Nhoong rlau 500 ngai lơh broă nàng bơtàu tơnguh lơh sa hìu nhă mờ bơt bơtàu [òn lơgar pa; dong kờl hìu nhă r[ah tam mờr 1 sàu sơnơm kơnuh mờ 35 rbô tờm bời lời sơntìl. Mpồl gam pơgồp bal mờ gơnoar atbồ xã Đak Nhoong lơh 25 nơm hìu tam klac dờng mờ hìu nùs nhơm pà hìu nhă r[ah in. Hìu sơ nơm ling klàng làng bol lơh bal kham, pà sơnơm ờ sa priă ai git nđờ rbô dơ\ cau in pah nam. Den tàng hìu nhă lơi tàm tiah nhàr dà lơgar Đak Nhoong kung rềp mềl mờ geh uă nùs nhơm kờ` gơboh mờ kuang bàng, cau ling sền gàr tiah nhàr dà lơgar. Bi A Teng, ơm tàm [òn Đak Vang pà git, kơnờm geh mpồl ling sền gàr tiah nhàr dà lơgar hìu nhă bi hơ\sồng geh hìu ơm, geh tờm bời lời, suơn kơphe: “ Lài do nam 2000 bol a` ờ geh hìu ơm. Mpồl ling sền gàr tiah nhàr dà lơgar neh dong kờl hìu nhă bol a` geh lik klàs r[ah, kung kơ nờm mpồl ling sền gàr tiah nhàr dà lơgar Đak Nhoong lơm.”

Ai ồng A Méo, kra [òn Đak Nớ den đơs bè do: “Mpồl ling sền gàr tiah nhàr dà lơgar dong làng bol tàm xã Đak Nhoong uă ngan. Ngan là bơta dong kờl làng bol lơh hìu ơm, dong sơntìl chi tam, pơlam bè mut ngui bơta chài lơh broă nàng lơh pas dipal.”

Bơh broă lơh niam broă lam sồr làng bol, kuang bàng, cau ling pôs ling sền gàr tiah nhàr dà lơgar Đak Nhoong neh lơh jơh uă kơnòl bơh sơn rờp tồn lah kal ke, bè tơn jơh bơta lơh tìs kơrnuat tiah nhàr dà lơgar; sang bơhìan bau gờ`, dong git nđờ rhiang hìu nhă làng bol jơh r[ah. Kung bơh bơta pin dờn, 1 nùs bal, ringbal bơh làng bol tàm [òn lơgar dê, pôs ling sền gàr tiah nhàr dà lơgar Đak Nhoong neh crơng gơs uă mpồl atbồ is gùng nhàr lơgar, `jrong tồt tiah nhàr lơgar, bơt bơtàu geh mpồl rơcang gàr tàm làng bol gàr kơ\ ngap lơngai, gơnoar tờm tiah nhàr dà lơgar mờ bơt bơtàu gùng nhàr lơgar ngap lơngai, lơh bơyô tam klac bơtàu tơnguh mờ lơgar rềp bal.

             Cau cih mờ yal tơnggit K’Duẩn