VOV4.K’ho- Ngai 15/3, Sở Thông tin mờ truyền thông càr Kontum bơyai lơh dơ\ pơrjum [ău yal bè broă lơh ràng tơlik sră sềr rùp ù tiah mờ ràng tơlik sră nggal kuơ “Hoàng Sa, Trường Sa là Việt Nam dê- Ală cơng tàng kah yau mờ adat boh lam”. Pơn jat hơ\, tàm 2 nam bơh nam 2017- 2018, ală anih lơh broă mờ ală tiah tàm càr Kontum bơyai lơh ràng tơlik sră sềr rùp ù tiah mờ ràng tơlik sră nggal “Hoàng Sa, Trường Sa là Việt Nam dê- Ală cơng tàng kah yau mờ adat boh lam” tàm 9 kơnhoàl mờ 1 anih lơh broă ling klàng tàm dơ\ tơngkah ală ngai chờ dờng bơh tiah he dê, bơh càr mờ dà lơgar dê. Mùl màl, tàm nam 2017 geh bơyai lơh ràng tơlik tàm 5 kơnhoàl: Đăk Hà, Đăk Tô, Đăk Glei, Kon Braih mờ Ngọc Hồi; nam 2018 ràng tơlik tàm ală kơnhoàl gam wơl, là: Kon Plông, Tu Mơ Rông, Ia H’Drai, Sa Thầy mờ Trung đoàn 990- Đăk Tô. Bơh nam 2019, Kontum geh bơyai lơh ràng tơlik tàm ală xã tiah nhàr lơgar, tiah geh gal làng bol ơm kis, anih lơh broă ling klàng mờ hìu bơsram tàm jơh gùt càr. Rơcang tàm tơl tiah, ràng tơlik geh lơh tàm dùl poh bal mờ uă sră nggal kuơ, chài rơgơi, phan bơna, pang [ău mờ mờr 100 sră sềr rùp ù tiah, yal tơngi\t jơnau, pơgồp bơnah tơnguh jơnhoa jơnau gi\t wa\, nùs nhơm tam klac bal, jơnau gi\t wa\ geh kơnòl bơh làng bol dê tàm broă sền gàr mờ đơs nền gơnoar tờm ù tiah lơgar Việt Nam dê gơ wèt tus mờ 2 bồt Hoàng Sa mờ Trường Sa.

Cau cih mờ yal tơngi\t- Lơ Mu K’ Yến