VOV4.K’ho – Nam do, rlau 100 hìu nhă kòn cau Sơdàng tàm [òn Giang Lố 2, xã tiah nhàr dà lơgar Sa Loong, kơnhoàl Ngọc Hồi, càr Kontum bơyai lơh wă rò sa tềp krơi is ngan, làng bol hòi là “Sa tềp rê wơl”. Tàm nùs nhơm chờ hờp bơh dà lơgar dê tàm ngai sơnam pa, tàm bơta rê wơl, bơ tòm tơrgùm geh ală cau geh làng bol tàm [òn sền ngềr ngan mờ kung geh ală cau tìs rê wơl mờ gùng song, gùng niam. Bơta pin dờn bè ală bơta niam bơneư geh tus tàm nam 2017 mờ lơh “Sa tềp rê wơl” bơh làng bol [òn Giang Lố 2 dê sơlơ geh kuơ rlau.

Krơi mờ nam lài, sa tềp nam do geh làng bol [òn Giang Lố 2 sền gròi niam rlau. Bal mờ piang prùh tàm ding đơr, drap tơrnờm, poac sur, iar buh… hìu lơi tàm [òn kung geh biap rơ tuơn, cồng mờ kơnuh bùm tung tàm brê, ală phan sa bơhìan yau mìng geh tàm ală chờ kuơ màng bơh kòn cau Sơdàng dê. Rê wơl tàm nùs nhơm kờ` gơboh, sền ngềr bơh làng bol [òn Giang Lố 2, Thượng tá Trịnh Hà Tâm, kuang atbồ Kong ti 75 – Binh đoàn 15, làng bol mờng hòi là A Tâm ngoh rơngac ngan. Thượng tá Tâm pà git, bơh nam 2014 tus nam 2016, ồng là kuang atbồ Kong ti 732 lơh broă tàm kơnhoàl tiah nhàr dà lơgar Ngọc Hồi. Bulah tu\ tơngai ờ jo\, mơya bơh ală broă lơh geh kơnòl, ngan ngồn he dê ai làng bol [òn Giang Lố 2 in, den tàng geh làng bol dờp lơh kòn [òn dê mờ geh hòi là A Tâm. Ồng chờ hờp ngan tài bơta do mờ ngai sơlơ go\ kơnòl he dê tềng đap rài kis làng bol, bulah tu\ do neh ntrờn lơh broă tàm dùl mpồl bơh Binh đoàn dê tàm càr ndai: “{òn neh dờp a` lơh kòn. He lơh kòn [òn dê den tu\ [òn lơh khat dùl broă lơi ndrờm yal he in git, cau lơi lơh broă ờ di, ờ niam kung yal he in git nàng bal mờ [òn cribơyai bal. Den tàng, ngai do là ngai sa tềp, là cau kòn [òn dê den tàng pal rê sa tềp mờ làng bol.”

Làng bol tàm [òn Giang Lố 2 chờ A Tâm geh rê tus.

Mờ nùs nhơm sền ngềr kuơ màng ai A Tâm in, kra [òn Giang Lố 2 là ồng A Xem blơi jiơ nờng, tùh mờ lời tơn dùl cơldu\ ơm hìu nhă dê nàng ai cau kòn [òn dê rlô să pah tu\ rê wơl. Ồng A Xem pà git, tơngai lơh kuang atbồ Kong ti 732, A Tâm sùm rềp mềl, git rài kis tơl hìu nhă tàm [òn. Kờ` [uơn [uài tàm broă lơh sa làng bol dê, A Tâm dan mờ kơnă hơđang bơcri lơh gùng bêtông tus tiah lơh sa jòng rlau 3 kơi sồ; jàu tai suơn kau su ai làng bol tàm [òn in tơnhàu nàng geh tai priă jền. Mờ hìu nhă r[ah den dong kờl bè sơntìl, priă bơcri, chài lơh broă kung bè ngai lơh broă nàng làng bol in brồ guh. Dà kơl hề kuơ màng ngan rlau jơh A Tâm dê là dong git nđờ jơt hìu nhă tàm [òn lài do iat jơnau pơr lồm bơh yàng ờ ngan Hà Mòn rê wơl mờ gah jat yàng song dơpă: “Tâm chài ngan boh bơr ờ làng bol nàng làng bol in git broă lơh tìs khi dê. Lài do, go\ bòl glar, mang ngai mìng git hòi dan. Mơya tu\ do làng bol neh sang yàng ờ ngan Hà Mòn mờ tryang trỳông ngan lơh broă sa. Cau lơi kung ndrờm git kơlôi lơh sa, ờ gam cau lơi kal ke tai.”

Kra [òn A Xem  ( tam gùl) sa\ tờm lơh piang sa bal

Nam 2016, ală cau neh geh tu\ lơh tìs bơh [òn Giang Lố 2 ai tơnggo\ bơta rê wơl he dê mờ broă ki\ is tàm sră pơrgon ờ iat, ờ đòm, ờ jat yàng ờ ngan Hà Mòn tềng đap bơta sền go\ bơh gơnoar atbồ xã Sa Loong, kuang đơng lam bồ Kong ti 732 mờ làng bol tàm [òn. Tàm hìu dềt ram mhu\, geh bơta sang glài bơh làng bol tàm [òn dê, bi A Linh wă rò sơnam pa mờ nùs nhơm pin dờn ngan. Tàm jơnau yal bồ nam, đơs tus ală tìs nam yau dê, A linh yal mờ nac bè tơngkah is să tờm mờ hìu nhă, ba` tu\ lơi gơbàn wơl tìs yau: “Lài do khi pơn jồ he đòm den he đòm. A` hòi dan ngai mang ờ lơh broă lơi. Tu\ do bol ờ niam pơn dờm a` ờ jat tai, lơh broă niam rlau. Còr bơ sơt kau su kung geh pơgap 7, 8 tơlak priă tàm dùl nhai. A` pin dờn nam 2017 a` lơh jak rlau mờ nam 2016.”

Tàm dơ\ sàu piang ram mhu\ lời ai jơh ală cau tàm [òn in di bồ nam pa, làng bol [òn Giang Lố 2 neh tam pà bal mờ gơp bơta chờ hờp. Nam yau, tàm bơta khà priă bơsơt kau su gơmù, 54 hìu nhă dờp ơpah còr bơsơt kau su mờ Kong ti 732 kung gam geh priă nhai bơh 7 tus 8 tơlak tàm dùl nhai. Bơdìh 28 hìu nhă r[ah, ală hìu nhă tàm [òn kung geh đau phan bơna, priă jền tềm pềr kơnờm bơtàu tơnguh tai bă ù lơh kơphe, kau su, bùm blàng mờ ròng phan. Nùs nhơm kơ\ dơn, bơta tam klac geh bơtàu tơnguh, cau lơi kung pin dờn, nam pa broă lơh sa, priă lơh geh niam rlau. Bal mờ kờp du\ lài bơh tơl nă cau dê, tơl hìu nhă dê gam geh ală kơp kờ` bal gùt [òn lơgar in. Bi A Thia tam pà: “Tàm nam 2017, a` kơp kờ` làng bol tàm [òn, kòn sau lơh ngan bơsram sră, lơh sa bơtàu tơnguh, geh khà jờng [òn ngac ngar jak c hài. Gùng lòt geh tuh bê tông jơh, mìng gam gùng mut tàm mpồl lơh sa. Kơp kờ` geh lơh jơh mờ bê tông tàm mpồl lơh sa nàng [uơn làng bol in lòt rê lơh broă.”

A Linh geh rê wơl tàm bơta sền kờ` dong bal àng bol tàm [òn.

Tàm nùs nhơm chờ hờp bơh ù tiah nhàr dà lơgar mut tàm sơnam pa, bơta pin dờn bè ală bơta niam bơne\ geh tus tàm nam 2017 lơh “Sa tềp rê wơl” bơh làng bol [òn Giang lố 2 sơlơ geh kuơ rlau.

           Cau cih mờ yal tơnggit K’Duẩn