VOV4.K’ho – Kờ` sền gàr mờ bơtàu tơnguh broă lơh bơhìan yau, pơgồp bơnah mut lơh jơnau kờ` bơtàu tơnguh lơh sa, gàr tơl niam rài kis mpồl bơtiàn, bơtàu tơnguh rài kis làng bol dê mờ sền gàr, bơtàu tơnguh bơta niam chài rơgơi kòn cau gơ jat bal mờ bơtàu tơnguh nhơl chờ. UBND càr Kontum pa tơlik Quyết định ki\ rơndap broă “Sền gàr mờ bơtàu tơnguh broă lơh bơhìan yau bơh ală kòn cau ơm kis bơh jo\ tàm [òn lơgar dê”. Jat mờ hơ\, rơndap broă geh mut ngui tus mờ broă lơh bơhìan yau bơh ală kòn cau geh Sơdàng, Bơnhàr, Jarai, Jeh Triêng, Brâu, Rơmâm, Hrê. Mùl màl là ală ơdu\ bơto broă lơh bơhìan yau geh tà` phan soh kòn cau mờ tà` phan ngui; mblàng yal, lam sồr làng bol sền gàr broă lơh bơhìan yau; lơh lơma tư liệu, pơgồp bal mờ broă mut ngui công nghệ thông tin tàm broă yal broă nàng lơh gơs phan bơna bơh broă lơh bơhìan yau; dong kờl jal mhar broă lơh tà` phan soh kòn cau Rơmâm dê; lơh 1 anih ràng tơlik phan bơna bơh broă lơh bơhìan yau; bơyai lơh dong kờl yal tơnggit phan bơna bơh broă lơh bơhìan yau… Rơndap broă geh 8 mpồl broă lơh mut lơh tàm 5 nam tus, tàm hơ\ sền gròi tus broă bơto bơtê bơtàu tơnguh cau lơh broă, rơndap ù tiah, bơtàu tơnguh phan ngui nàng lơh broă; sơlơ yal tơnggit phan lơh gơs, rề ơnàng drà kă bro phan lơh gơs; rơndap broă bơtàu tơnguh broă lơh gơ jat bal mờ nhơl chờ.

            Cau cih mờ yal tơnggit K’Duẩn