VOV4.K’ho-Mờ bơta kờn gơboh uă ngan ai kơnòm dềt in mờ bơta wa\ wờng bal uă ngan tềng đap bơta siơ\u siar bơh oh kòn làng bol kòn cau dê, bi Ngô Thị Ly, 34 sơnam, kis tàm [òn Kon Nhên, xã Đăk Ruồng, kơnhoàl Kon Braih, càr Kontum neh lơh is thư viện, ai ù tiah hìu bơnhă dê nàng ai ală oh in sền sră, bơsram mờ nhơl chờ hờp. Bi Ly gam lời uă ngan dà kơlhề tu\ jiơ nàng bơto pơlam ală oh in uă jơnau nhơl, bơto ală oh in uă jơnau đơs crih, lơh [òn lơgar ngài ngan Kon Nhên gơ gơs bềng jơnau `o\ nhơl boh bơr chờ hờp mờ bơta kờn gơboh kơnòm dềt.

Neh mờr dùl nam do, poh lơi kung bè hơ\ lơm, tus mang ngai dơ\ 6, mờ dơ\ 7 pah poh, ală oh dềt tàm [òn Kon Nhên mờ tàm xã Đăk Ruồng gơlơh duh hồl tai kờn ngan lòt tus hờ thư viện hìu pơgru Ly nàng sền sră. Tus tu\ do, thư viện hìu bơnhă bơh bi Ngô Thị Ly dê là anih tus sùm bơh 40 nă kơnòm dềt dê nàng sền sră mờ tàm dơ\ kàl rlô bơkang den khà cau tus sền gơguh tus pơgăp 80 nă oh.

Bi Ly drơng broă sền sră ai kơnòm dềt in

Tus hờ thư viện bơh ală ngai sơn rờp pa crơng gơs, hơ\ sồng gơ gơs là cau tàm mpồl kuơmàng tàm uă broă lơh bơh ùr pơgru Ly bơyai lơh, oh Hoàng Nhật Lệ, bơsram ơdu\ 6, pà gi\t:

“Oh tus tàm do geh lùp bơsram uă ngan jơnau niam jơnau jak. Geh tam ya, geh đơs crih. Geh tam pà bal mờ ală bơyô. Geh bơsram ală jơnau gi\t wa\ pa mờ sền ală pang sră jơnau yal yau geh kuơ ngan ai he in bè jơnau yal mờ oh kờn ngan sền là sền kờn gi\t dunia mờ ală sră yal yau đơs bè jơnau kah yau bơh lơgar he dê tàm rài yau. Gơlơh chờ hờp ngan” .

Jơnau gơlơh krơi is ngan tàm thư viện hìu bơnhă bơh ùr pơgru Ly dê là ờ geh sră cih sền broă lơh. Ală oh dềt bơdìh mờ broă sền sră tơn tềng hơ\ dilah kờn ndrờm gơtùi cèng sră rê sền tàm hìu. Bè hơ\ mờ sră bơh thư viện dê ờ mìng ờ roh te\ mờ ngai sơlơ uă rlau tai, tơngume uă rlau tai. Tu\ pa crơng gơs, thư viện mìng geh bàr pe rhiang bơta sră lơm, tu\ do neh geh rlau 1 rbô pang sră ală bơta. Jơnau chài mờ bi Ly neh lơh geh ai ală oh dềt in jơnau gi\t wa\ prăp gàr sră mờ sền thư viện ndrờm bè bơh să tờm he dê. Ală oh lòt tus hờ thư viện ờ mìng sền sră lơm mờ gam gi\t sền gròi tus ală bơyô he dê tai.

Ală oh dềt tơryăng ngan sền sră

Oh Nguyễn Thanh Phong, cau sền sră sùm bơh thư viện dê pà gi\t:

“Bơh tu\ thư viện sơnđờm lơh, den oh neh jà bàr pe nă cau bơyô dùl [òn bal, bal mờ gơ\p lòt jà tă pơgồp sră, sră cih nàng rê dong kờl thư viện in. Oh mờ geh àu mpha, halà geh kong tàp mờ neh klar ờ ngui tai den oh geh cèng tus tàm do nàng pà ai ală bơyô ndai in gơtùi geh kong tàp, geh àu mpha nàng soh”.

Đơs bè jơnau kờn lơh thư viện hìu bơnhă ai ală oh dềt tàm tiah do in, bi Ngô Thị Ly yal, să tờm bi tu\ gam dềt kờn ngan lơh ală broă lơh mpồl ơruh pơnu. Tu\ ntrờn hìu tus hờ [òn Kon Nhên ơm kis, sền go\ ală oh dềt ờ geh sră báo, ờ geh anih nhơl niam digơlan gơhoài gơ jà tàm jơnau nhơl ờ niam, den tàng hơ\ sềng geh jơnau kờn lơh thư viện. Bơh sơn rờp bi tìp bơta ờ ai bơh jơh bal bàr đah dê, cau hìu bơnhă ờ ai, ală mè bèp kơnòm dềt tàm [òn den gơlơh bè pin wil wơl. Mơya mờ bơta kuơ geh ngan mờ thư viện cèng wơl ai ală oh dềt tàm [òn in mờ ai să tờm 2 nă kòn bơh bi dê den tàng neh jà geh jơh ală cau.

Bơdìh mờ tu\ jiơ sền sră, bi Ly gam bơto pơlam ală oh đơs crih, tam ya

Bi Trần Thị Thuỷ, kuang bàng lơh broă khà kờp làng bol xã Đăk Ruồng, hìu tàm [òn Kon Nhên, pà gi\t:

“Oh kis tàm do kung neh 7 nam do sơl, sền go\ ală oh dềt tàm [òn ờ geh anih nhơl. Mang geh tu\ mè bèp pal lòt jòi rê sơl. Tu\ mờ geh thư viện do là geh ngai den ngai dơ\ 6, geh ngai den ngai dơ\ 7 lơi kung bè hơ\ lơm, ală oh tus tàm 5 jiơ mho là sền go\ ală oh neh jơh um dà sàng kloh hơ\ sồng rơcang lòt tus hờ thư viện. Mè bèp ală oh dềt dê tìp oh kung yal là bơh tu\ geh thư viện do den sền go\ chờ hờp ngan. Sền go\ là kòn sàng kloh, gi\t geh bơta lơi he gơtùi sa bơta lơi he pal lơh, ờ gam tai lòt nhơl halà nhơl gơlềng gơlàng bè lài do tai”.

Sền go\ bi Ngô Thị Ly jơh nùs ngan bơto sồr ală oh dềt tàm [òn Kon Nhên broă chài rwah sră, sền sră dipal mờ rơnàng sơnam, nhơl chờ hờp tu\ bơto pơlam ală oh dềt bơsram jơnau đơs crih, halà tam ya jơnau pa tàm săp ntas nhạc duh hồl ngan, ờ cau lơi mờ sơning là broă bi gam lơh là kuang bàng lơh broă gah ù tiah tàm tiah do ờ. Bulah lơh broă tàm xã ngài mờ hìu rlau 10 kơi sồ, broă lơh bơh dùl nă ùr lơh broă ù tiah dê bòl glar ngan, mơya bi Ly kung gam lời ai ală oh dềt [òn Kon Nhên in mờ ai thư viện bơh hìu bơnhă he dê in tu\ do neh là thư viện bal bơh ală oh dềt dê bơta sền gròi niam ngan rlau jơh. Broă rơndăp lơh bơh bi Ngô Thị Ly dê là tus di tơngkah 127 nam ngai deh Bác Hồ 19/5 tus do, den bi geh bơyai lơh tơngkah di tòm 1 nam thư viện bơh ală oh dềt dê lơh broă. Jơnau chờ hờp rlau tai là broă lơh ngềt ngơ\t bơh bi Ngô Thị Ly dê neh geh gơnoar atbồ tiah do, bàr pe mpồl cau mờ uă làng bol neh gi\t mờ jơh nùs ngan dong kờl jơh bal bè phan bơna mờ nùs nhơm!

Cau cih mờ yal tơngi\t- Lơ Mu K’ Yến