VOV4.K’ho – Tài gơ rềng bơh nhơm mrềt pràn, pơgồp bal mờ càl đah mattơngai lik, sùm tàm 7 ngai do, tàm kơnhoàl Kon Plông, càr Kontum geh mìu sơr tus sơr ngan. Bơh ngai 3/12, tàm gùng Trường Sơn Đông gơl lòt gan kơnhoàl do neh geh 3 bă tiah tơrlah lơh kòl gùng. 3 bă tiah tơrlah lơh kòl gùng tàm gùng Trường Sơn Đông, gơlik geh tàm kơi sồ 194+210; kơi sồ 200+680 mờ kơi sồ 200+240, gơl lòt gan xã Ngọc Tem, kơnhoàl Kon Plông, càr Kontum. Tàm 3 bă tiah tơrlah, kơn jơ\ ngan rlau jơh là bă tơrlah sơn rờp tàm kơi sồ 200+240. Tàm bă tơrlah do, ù lu\ mờ dơm chi bơh đang bơnơm dùh bồr 150 thơk mat gùng mờ khà ù lu\ rlau 4 rbô khối. Bal mờ lơh kòl gùng lòt tàm gơl gùng Trường Sơn Đông, tơrlah kung lơh aniai uă ngan tus rài kis rlau 2 rbô nă cau xã Ngọc Tem, kơnhoàl Kong Plông, càr Kontum tài ờ gơtùi lòt rê hờ tiah tàm gùl kơnhoàl. Tềng đap bơta do, ồng Đặng Thanh Nam, Phó Chủ tịch Uỷ ban nhân dân kơnhoàl Kon Plông pà git, kơnhoàl gam lơh ngan pơgồp bal mờ đah atbồ gùng lòt sồ 3 bơsong ală bă tơrlah, mơya gờ` ngan rlau jơh kung pal tus mho ngai hìng hơ\ sồng gơtùi ai lòt ing.

                  Cau cih mờ yal tơnggit K’Duẩn