VOV4.K’ho - Kờ` dong ală kơnòm bơsram tiah sar lơgar ngài, tiah làng bol kòn cau tàm càr geh tơl sră pơ àr, phan ngui bơsram mờ àu mpha pa tus hìu bơsram, tàm càr Kontum, uă mpồl lơh sa kă bro gam mut lơh ală broă lơh ngan ngồn sơmbat tê bal dong kơnòm bơsram tiah kal ke tus hìu bơsram. Drim òr, 31/8, mpồl lơh sa kă bro tam mờ sền gàr brê neh pà 13 rbô pang sră cih, 400 nơm àu mpha ai ală kơnòm bơsram tiah làng bol kòn cau tàm 5 ntum bơh kơnhoàl Đak Tô mờ 9 ntum bơh kơnhoàl Tu Mrong dê. Mpồl lơh sa kă bro Viễn thông Mobifone neh pà 500 bơnah priă dong kờl bơsram, tơl bơnah geh 1 tơlak priă pà ală kơnòm bơsram rơbah sơr lèt gan kal ke bơsram jak; anih priă jền lơh broă sa mờ bơtàu tơnguh [òn lơgar càr Kontum dong kờl 7 tơmàn priă lơh hìu bơsram kai 1 tàm ntum Ia Dom, kơnhoàl Ia H’Drai. Bal mờ hơ\, git nđờ jơt rbô pang sră cih, git nđờ rbô bơnah priă dong kờl bơsram, phan ngui bơsram, àu mpha… mờ mpồl lơh sa kă bro dong kờl kung neh di tu\ geh jun tus ală oh lài mờ nam bơsram pa.