VOV4.K’ho- Mho mang ngai 4/2, tàm Hìu duh broă Chính phủ dê, ồng Vũ Đức Đam Phó Thủ tướng Chính phủ, Kuang ătbồ Mpồl đơng lam dà lơgar rơcăng sơndră kòp Covid-19 pơrjum pờ tơlik tơn tàm internet mờ Bộ Y tế bal mờ càr Gia Lai bè broă lơh rơcăng sơndră kòp tàm tơngai tu\ do. Jăt jơnau yal bè broă lơh rơcăng sơndră kòp Covid-19, tàm càr Gia Lai, jơh ală cau kòp F0 ndrờm gơrềng tus 2 tiah geh kòp tàm Cheo Reo mờ xã Ia Trôk, kơnhoàl Ia Pa. Kờp tus 5 jiơ mho ngai 4/2, sền go\ tai 4 nă cau bơtờp mờ virus Sars CoV-2, ndrờm là cau F1, gam ai ơm yah ngài tơrgùm bal, ờ geh pơhìn lơh bơtờp tus mpồl bơtiàn.

Tus tu\ do, Gia Lai sền go\ jơh ală là 18 nă, bơdìh hơ\ tai, 5 nă cau pin bơtờp kòp Covid-19, gam geh jăt sền mờ xét nghiệm wơl. Đơs tàm dơ\ pơrjum, ồng Vũ Đức Đam Phó Thủ tướng Chính phủ pà gi\t, broă gơbàn kòp tàm Hải Dương, Quảng Ninh, Hà Nội, tus tu\ jiơ do, kòp sền bal neh geh kơryan. Gơ wèt mờ càr Gia Lai, broă tơnguh bơta pràn xét nghiệm mờ sơm kòp, nàng kờ` rơcăng lài ờ mìng ai càr in lơm mờ gam rơcăng lài ai ală càr gơ wèt ù tiah Tây Nguyên dê in tai tàm broă lơh rơcăng sơndră kòp Covid-19.

Cau mblàng Lơ Mu K’Yến