VOV4.K’ho – Gơwèt mờ jơh ală kuang bàng tus bal pơrjum dờng gùt lơgar dơ\ 13 bơh Đảng dê, dilah bè ngai sơn rờp mut pơrjum là nùs nhơm pơn iờ să; chờ hờp bơrlu\ bal mờ kơp gơn den ngai do, ală kuang bàng ndrờm chờ hờp mờ gơboh gơbài dùl bă wil tơl. Chờ hờp tài bơh ală jơnau đơs jơh nùs, geh bồ tơngoh jak, geh kơ nòl broă he dê neh tă pơgồp tàm cồng nha bal bơh pơrjum dờng dê, kuơmàng là neh pồ dùl Ban Chấp hành Đảng dà lơgar khóa pa, geh đảng viên mờ làng bol đơs là bơta pơn rơ ai bồ tơngoh jak bơh Đảng dê; dùl Ban Chấp hành tam klac bal, geh bơta tàm pơ dờn mờ bơtàu tơnguh. Chờ hờp ngan rlau jơh là cau atbồ Đảng he- Tổng Bí thư, Chủ tịch lơgar, ồng Nguyễn Phú Trọng- là cau pơn rơ ai nùs nhơm niam mờ bồ tơngoh jak bơh Đảng dê in geh làng bol mờ đảng viên gùt lơgar pin dờn, pơn jat tai geh pồ lơh Tổng Bí thư khóa pa.

Chờ hờp tềng đap cồng nha niam bơne\ bơh pơrjum dờng dê, pin dờn tềng đap bơta sac rơ wah ngac ngar bơh Đảng dê, pơn jat tai jàu kơ nòl broă ai Tổng Bí thư, Chủ tịch lơgar, ồng Nguyễn Phú Trọng in lơh Tổng Bí thư tơngai lơh broă pa, kuang bàng Nguyễn Hồng Hà, mpồl kuang bàng càr Gia Lai đơs: “A` chờ hờp ngan bè cồng nha te\ khà tàm pơrjum dờng, Tổng Bí thư geh tơn pồ wơl, jat Điều lệ Đảng Cộng sản Việt nam dê là at gơnoar broă Tổng Bí thư ờ rlau 2 tơngai lơh broă. Bulah bè hơ\, Điều lệ Đảng geh cih: Broă tam gơl jơnau cih bơ tơl điều lệ Đảng là bơh pơrjum dờng gùt lơgar lơh nền. Tàm pơrjum dờng dơ\ do, khà kuang bàng sồr Tổng Bí thư ồng Nguyễn Phú Trọng tơlik mat te\ khà wơl tơngai lơh broă dơ\ 3 ndrờm bè ring bal jơh tơn. Jat bơta sơ nơng a` dê, broă ồng Nguyễn Phú Trọng geh pồ wơl lơh Tổng Bí thư khóa 13 là di mờ bơta kơp kờ` bơh kuang bàng, Đảng viên mờ làng bol gùt lơgar dê. Mờ bơta pin dờn dà lơgar he pơn jat tai bơtàu tơnguh pràn kơldang, kuơmàng là broă lơh rơcang sơndră sa kuề sa kùa geh lơh niam rlau tai”.

Ơn jơh bơta pin dờn tàm Ban Chấp hành Đảng dà lơgar khóa pa pa tơlik mat mờ pin dờn tàm ală kuang bàng tàm Bộ Chính trị pa geh pơrjum dờng pồ, mò Trần Thị Lộc, mpồl kuang bàng càr Bắc Kạn đơs, pin dờn do geh là ală cau tờm ngan nàng lam lơh jat geh cồng nha nghị quyết pơrjum dờng dơ\ 13, lam dà lơgar Việt Nam bơtàu tơnguh pràn kơldang, pas sơm: “Pal đơs là kuang bàng Ban Chấp hành kung bè Bộ Chính trị, Ban Bí thư Đảng dà lơgar khóa 13 dơ\ do là ală kuang bàng dipal ngan, pơn rơ jak kung bè geh nùs tồr, geh bơngă pin dờn mờ a` pin dờn là, mờ dùl tơngai lơh broă pa bềng lìu bơta chờ hờp do den ală kuang bàng geh tơnguh pràn jak he dê nàng lam dà lơgar bơtàu tơnguh”.

Đơs nền do là dùl dơ\ pơrjum dờng geh rơcang jơh nùs, wil tơl mờ nền nòn ngan, lời tềl niam bè dùl bơta bơtàu tơnguh bơh dà lơgar dê, pờ gơs dùl tu\ tơngai bơtàu tơnguh pa, gơtùi lơh jat bơta kơp kơ nờm bơh làng bol dê, ồng Phùng Đức Chiến, mpồl kuang bàng càr Bắc Ninh kơp kờ` là, broă lơh rơcang sơndră sa kuề sa kùa geh pơn jat tai lam lơh geh cồng nha, pơgồp bơnah lơh sàng goh mpồl kuang bàng duh broă, tơnguh bơta pin dờn tàm làng bol: “Broă lơh rơcang sơndră sa kuề sa kùa tàm tơngai lơh broă lài neh geh Đảng, dà lơgar, kươmàng là Bộ Chính trị, Ban Bí thư, Ban Chấp hành Đảng dà lơgar lam lơh jat jơh nùs mờ geh cồng nha. A` sơ nơng là tàm tơngai lơh broă tus, broă lơh rơcang sơndră sa kuề sa kùa geh pơn jat tai lam lơh bal mờ bơta lơh ngan dờng rlau, pơn jat tai broă lơh do mờ nùs nhơm mờ pơrjum dờng dơ\ 12 neh lam lơh”.

Ồng Đỗ Mạnh Hiến, mpồl kuang bàng [òn dờng Hải Phòng pà git, bal mờ broă tă pơgồp jơnau đơs tàm sră nggal mờ kuang bàng, pơrjum dờng kung neh geh ală jơnau đơng lam nàng rơcang sơndră kòp Covid-19 di tu\ ngan. Kuơmàng Nghị quyết pơrjum dờng neh đơs loh ală kơ nòl broă, broă lơh ai broă sơndră kòp Covid-19 tàm tơngai tus: “Do là pơrjum dờng bơh bồ tơngoh jak, tơnguh bơta làng bol lơh tờm ua\ ngan tàm pơrjum dờng. Kuơmàng tàm broă rơcang lài ală sră nggal, broă rơcang lài kuang bàng, kờp bal mờ broă drơng ală kuang bàng in, drơng niam ngan rlau jơh kơ nòl broă tềng đap Đảng, làng bol. Bơdìh mờ broă lơh bơh pơrjum dờng dê, pơrjum dờng kung sền gròi ua\ ngant us broă rơcang sơndră kòp Covid-19 mờ đơng lam ală kấp sơndră kòp dùl bă nền nòn tàm tơngai geh lơh pơrjum dờng”.

Mờ kơ nòl broă bơh cau atbồ càr dê, lơh ngan tơnguh bơngă lơh krơh lài, bơta lam lài bơh kuang bàng dê tàm broă lam lơh kơ nòl broă geh jàu, ồng Hồ Văn Niên, Bí thư Tỉnh ủy Gia Lai pà git, ală broă rơndap lơh lam lơh jat ngan ngồn Nghị quyết pơrjum dờng dơ\ 13 tàm càr, bơh hơ\ pơgồp bơnah lam lơh geh cồng nha ală jơnau kờ` ai tơlik, tơnguh niam rài kis phan bơna, nùs nhơm bơh làng bol tàm càr dê, tă pơgồp bal ai bơta bơtàu tơnguh bơh dà lơgar dê in: “Bơh Nghị quyết pơrjum dờng dơ\ 13 Đảng dê, càr Gia Lai geh lam lơh ală broă lơh, broă rơndap lơh lam lơh jat ngan ngồn nàng lơh geh cồng nha niam ngan rlau jơh. Bơh Nghị quyết do, mờ ală broă lơh, broă rơndap lơh bơh dà lơgar dê, jat tàm bơta geh ngan tàm càr, bol hi geh bơt bơtàu ală broă lam lơh nàng lơh jat ngan ngồn, ai Nghị quyết pơrjum dờng dơ\ 13 Đảng dê geh lam lơh ngan ngồn tàm rài kis, bal mờ làng bol gùt lơgar lam dà lơgar he bơtàu tơnguh di gùng di dà mờ Nghị quyết neh đal git, hơ\ là tus nam 2025 geh bơt bơtàu dà lơgar he bơtàu tơnguh geh pria\ jền lơh geh dimơ, bơh hơ\ gơtùi tơnguh jat gùng dà tam gơl pa lơh mờ ma\i mok”.

Cau mblàng K’Duẩn