VOV4.K’ho – Ngai do, pơrjum dờng Đảng gùt lơgar dơ\ 12 mùl màl mut lơh tàm càr lơgar Hà Nội. Wèt tus pơrjum dờng, kuang bàng, cau geh Đảng bal mờ ală làng bol kis tàm Tây Nguyên đơs is, gùt lơgar đơs bal neh tơlik nùs nhơm pin dờn dờng màng tài ală kơrnuat pơrjum dờng geh gơ rềng tơn tus rài kis làng bol, tus mờ broă bơtàu tơnguh dà lơgar dê tàm gùng tam gơl pa mờ tơr gùm bal:

Rơcang lài mpồl cau lơh broă tus mờ Mpồl đơng lam Đảng dà lơgar kơnă 12, ồng Nguyễn Phú Trọng kuang atbồ đơng lam Đảng dà lơgar đơs tờm: krà` cê ờ tơmut tàm mpồl đơng lam Đảng dà lơgar ală cau geh dùl tàm ală bơta ờ niam bè nùs nhơm gùng dră bal ờ kơ\, ờ jơh nùs jat gùng dà, broă lơh, nùs nhơm bơh Đảng dê; hàm kờ` at gơnoar, pơn dờm, lam sồr is să tờm, nùs nhơm tam cah mpồl, bơta kuơ mpồl… Uă kuang bàng, cau geh Đảng ringbal mờ nùs nhơm do mờ kơp kờ`, sac rơ wah geh ală cau dipal mut tàm mpồl đơng lam Đảng dà lơgar kơnă pa nàng dờp kơnòl broă đơng lam bồ dà lơgar tàm tu\ tơngai mut gơ rờm bal ngai sơlơ pràn. Ồng Nguyễn Bá Mân, ơm tàm [òn 8, sơnah [òn Tân Lập, [òn dờng Buôn Ma Thuột, càr Dak Lak kơp kờ`: “ Bol a` kơp kờ` là, pơrjum dơ\ 12 geh pồ ală kuang bàng mut tàm mpồl đơng lam Đảng dà lơgar geh tơl nùs nhơm, bồ tơngoh jak nàng lơh bè lơi đơng lam bồ dà lơgar he pơnjat tai tam gơl pa, pơnjat tai brồ guh rlau tai ală cồng nha tam gơl pa.”

Ồng Nguyễn Văn Hoá, kuang jat jơng atbồ đơng lam Đảng sơnah [òn Tự An, [òn dờng Buôn Ma Thuột, càr Dak Lak den kơp kờ`: “ A` kơp kờ` ngan rlau jơh là bơnah kuơ màng, kuang bàng là tơngume tờm ngan bơh broă lơh dê bè Bác Hồ neh đơs. Kơp kờ` bè lơi pơrjum dơ\ 12, jat Đảng jat nùs nhơm làng bol là lơh bè lơi, sac rơ wah geh ală kuang bàng geh bồ tơngoh jak, geh nùs nhơm, tài dà lơgar, tài làng bol, bơt bơtàu dà lơgar he bơtàu tơnguh kung bè mut gơ rờm bal dunia ngai sơlơ geh gơnoar rlau.”

Tus bal bơto bơtê 6 ơdu\ rơcang lài mpồl kuang bàng dờng màng, Phó giáo sư, tiến sĩ Nguyễn Trọng Phúc, hìu bơsram dờng gùng dră bal dà lơgar Hồ Chí Minh đơs là: Kuang bàng đơng lam bồ tàm mpồl đơng lam Đảng dà lơgar, Gah gùng dră bal dà lơgar mờ mpồl atbồ đơng lam Đảng pal geh nùs nhơm gùng dră bal, bồ tơngoh jak mờ cribơyai jơnau kơ\ nùs. Phó giáo sư, tiến sĩ Nguyễn Trọng Phúc dờp git: “ Hàm kờ` gơnoar broă, hơ\ sồng bơta kuơ mpồl, bơta [uơn gùng dră bal ngòt rơngơt digơlan lơh tung lơtang jơh dà lơgar. Ngan bơta lồi dut là bơngă pin dờn bơh pơrjum dê den kal ke ngan gơtùi lơh geh. Tàm bơt bơtàu Đảng den bơta kuơ màng là sac rơ wah kuang bàng. Dơ\ pơrjum do dilah sac rơ wah geh mpồl kuang bàng niam den dà lơgar bơtàu tơnguh. Dilah ờ sac rơ wah geh kuang bàng di mờ jơnau kờ` bơh broă lơh tam gơl pa dê den he lơh ờ hềt di mờ jơnau bơto sồr bơh Bác Hồ dê, hơ\ là “ Kuang bàng là tơngu rơyas bơh broă lơh dê”.

Tềng đap ală jơnau đơs đơs là, tu\ do ờ hềt đơs loh khà uă kuang bàng, cau geh Đảng neh gơbàn ờ niam nùs nhơm, ờ kơryan, tơmù sa kuề sa kùa, hoàc huơr… Ồng Lù Văn Que, kuang atbồ anih duh broă kòn cau dà lơgar lài do đơs là, nàng gơtùi lơh broă do, tơl nă kuang bàng, cau geh Đảng pal pơnjat tai mờ krà` cê mut lơh jat kơrnuat dà lơgar 4 bè bơt bơtàu Đảng. Bơsong is să tờm là broă lơh geh gơ rềng tơn. Mơya Đảng kung kờ` pal cih mùl màl bè broă kong bơta sền gròi bơh làng bol dê, kơnờm tàm làng bol nàng bơt bơtàu Đảng: “ Tu\ do pal lam sồr làng bol rơcang sơndră sa kuề sa kùa. Mơkung sền gròi gơnoar bơh làng bol dê jàu Đảng in, jàu cau geh kơnòl in. Đảng lam lơh gùt Đảng, gut làng bol bơsram mờ lơh jat ơnà jak Bác Hồ là di ngan; mơya làng bol kơp kờ` là “ cau geh Đảng lam lài, làng bol jat tơnơ\”, bơsong bơta làng bol lơh tờm ờ ngan ngồn, làng bol lơh tờm ờ niam, “ đơs ờ gơ jat mờ broă lơh”. Tàm dơ\ pơrjum dơ\ 12 bơh Đảng dê tơn, tu\ pồ mpồl đơng lam Đảng pa pal pồ geh ală kuang geh jơng tàm mpồl Đảng dà lơgar geh tơl khà, krà` cê ờ dờp ală cau geh bơta ờ niam”.

Ồng Nguyễn Viết Chức, kuang jat jơng atbồ anih duh broă chài rơgơi, bơto bơtê, ơruh pơnu, kơnòm pa tàu mờ kơnòm dềt lài do bơh gơnoar ala mat dà lơgar dê đơs là, tàm bơta sền sơ wì bơh làng bol dê, ală cau geh jơng tàm mpồl đơng lam Đảng dà lơgar là ală cau niam ngan, ala mat làng bol in, dà lơgar in. Den tàng jat ồng pal bè do: “ Krà` cê ờ rơ wah ală cau bulah mìng geh bơta ờ niam dùl êt, den hơ\ sồng dipal. Tài dà lơgar là ală cau jak ngan rlau jơh, ală cau niam ngan rlau jơh bơh dùl Đảng lam lài dà lơgar, jơi bơtiàn do dê. Tài Đảng he mìng geh bơta kuơ dùl lơm, hơ\ là bơta kuơ màng bol dê, kờ` geh bè hơ\ den pal hui\ sa tờm. Lài do hui\ să tờm, ờ pơlai să jan, mơya tu\ do geh tu\ là pal hui\ bơta kuơ he dê, ơn bơta kuơ làng bol dê lài ngan.”

Sac rơ wah geh ală kuang bàng tàm mpồl Đảng dà lơgar lam lài, geh nùs nhơm kơnòl broă uă, ngan ngồn song dơpă, sang kloh, lơh jat niam ală kơrnuat lơh broă, ală kơrnuat bơh Đảng dê, ơn broă lơh bal bơh Đảng, jơi bơtiàn dê lài ngan. Krà` cê rơcang sơndră ală tơnggo\ sơmờm, hàm kờ` gơnoar broă, lam sồr tàm mpồl is, tam cah mpồl, bơta kuơ mpồl… Hơ\ kung là bơta kơp kờ` dờng ngan bơh kuang bàng, cau geh Đảng mờ làng bol dê pơyua tus pơrjum Đảng gùt lơgar dơ\ 12.

                                                          Cau cih mờ yal tơngit K’ Duẩn.