VOV4.K’ho – Jơnau yal bơh anih tờm lơh sơnơm rơcang gàr lài kòp càr Lâm Đồng, bơh bồ nam tus tu\ do, càr do neh geh 620 nă cau gơbàn kòp mprơm gơlik mhàm, ơm dơ\ 17 tàm khà 20 càr, [òn dờng tiah đah jum dà lơgar bè khà cau gơbàn kòp mprơm gơlik mhàm. Kòp mprơm gơlik mhàm gơguh uă tàm 2, 3 nhai do tàm càr Lâm Đồng, ờ geh cau gơtìp chơt. Poh lài, Anih duh broă làng bol càr Lâm Đồng neh tă 700 tơlak priă nàng gah lơh sơnơm in blơi sơnơm gơ sơt kih dà, sơmack tàm 6 kơnhoàl, [òn dờng gam geh uă cau gơbàn kòp mprơm gơlik mhàm là: Đức Trọng, Lâm Hà, Di Linh, Bảo Lộc, Bảo Lâm, Cát Tiên. Tu\ do [òn dờng Bảo Lộc gam [ồm sơnơm gơsơt sơmack tàm uă tiah tàm 5 ntum, sơnah [òn.

Tơrgùm kờp bơh Hìu sơnơm rơcang gàr lài kòp càr Gia Lai dê, nam do jơh gùt càr Gialai neh geh rlau 3 rbô nă cau bơtờp kòp mprơm gơlik mhàm pal tus piam kòp tàm hìu sơnơm. Tu\ do, kòp neh lơh bơtờp uă rlau tus nggùl khà ntum, sơnah [òn, [òn drà bơh jơh 17 tàm 17 kơnhoàl, [òn drà mờ [òn dờng tàm càr. Ală tiah geh cau bơtờp kòp mprơm gơlik mhàm uă bè: [òn dờng Pleiku, ală kơnhoà: Đak Đoa, Ia Grai, Cư\ Sê, Cư\ Prông. Hìu sơnơm rơcang gàr lài kòp càr Gia Lai gam jơh nùs pơgồp bal mờ ală tiah mu\t lơh dùl ròt bal uă broă lơh kờn kơryan geh cồng nha kòp mprơm gơlik mhàm. Mơya, broă lơh geh lơh geh cồng nha halà ờ là gơ jat tàm bơta lơh jat bal bơh jơh gùt làng bol [òn lơgar dê, kuơmàng là làng bol kis tàm tiah gam geh kòp.

                                              Cau cih mờ yal tơnggit K’ Duẩn – Lơmu K’ Yến