VOV4.K’ho – Ồng Nguyễn Trúc Bồng Sơn kuang atbồ Anih tờm pơlam broă lơh sa suơn sre càr Lâm Đồng pà git: Kơphe Arabica Dà Làc, lơgar Việt Nam dê sơnđờm geh mat sơnđan tàm drà kă bro kơphe dunia tu\ pa geh mpồl lơh sa kă bro Starbucks ngan ngồn tơmut tàm pang web nàng kă bro tàm drà kă bro kơphe dunia. Bè hơ\, kơphe sồ mồt Dà Làc gam là dùl tàm 7 bơta kơphe dunia dê geh Starbucks sac rơwah. Starbucks là dùl mpồl lơh sa kă bro dờng ngan, sùm kă bro kơphe tàm dunia, geh rơlau 21 rơbô 500 anih kă bro tàm 56 lơgar mờ kơnhòal ù tiah, tàm hơ\ geh 12 rơbô 218 anih kă bro tàm lơgar Mỹ. Do là mpồl lơh sa kă bro geh bơngă pin dờn dờng màng ngan tàm dunia tàm broă tac kơphe Arabica geh rơwah bơh ală ù tiah tam kơphe geh pơnrơ bè Brazil, Colombia…

        Cau mblàng K’ Duẩn