VOV4.K’ho – Gah Kă bro mờ lơh sa mờ măy mok dà lơgar pà gi\t, ală kuang đơng lam ală lơgar tus bal Kơrnoat tam klac lơh broă bal gùt Thái Bình Dương (TPP) neh dùl nùs ring bal geh ki\ Kơrnoat TPP tàm ngai 04/02 tus do tàm Auckland, lơgar New Zealand.

Dar cribơyai Kơrnoat tam klac lơh broă bal gùt Thái Bình Dương bơh sơn rờp geh lơh tàm Melbourn, lơgar Australia tàm nhai 03 nam 2010 mờ jo\ jòng tus lồi nam 2015. Tàm hơ\ geh 19 dơ\ cribơyai ngan ngồn, 5 dơ\ cribơyai kơnă Kuang atbồ Gah broă lơh dà lơgar mờ tơngume cribơyai tàm hơ\ geh 30 tăp. Tus tơngai tơn jơh cribơyai, kờp jơh ală lơgar tus bal TPP neh gơnguh tus 12 lơgar. Ală gah tus bal TPP dùl nùs ring bal tơngai ai 2 nam nàng gơnoar ala mat dà lơgar bơh ală lơgar dê ki\ ring bal kơrnoat. Bè hơ\, kơrnoat tam klac lơh broă bal gùt Thái Bình Dương digơlan geh ai ngui tàm nam 2018. Jat ală kuang bàng mờng chài gah lơh sa đơs, mpồl 12 lơgar tàm TPP geh tus 40% GDP gùt plai ù den tàng Việt Nam digơlan geh tu\ tơngai niam nàng kă bro phan mờ drà kă bro dờng ngan. GDP digơlan gơguh tai bơh 8% tus 10% tàm nam 2030 mờ geh gơhòi priă bơcri bơh uă cau bơcri priă lơgar ndai dê.

Cau cih mờ yal tơngi\t- Lơ Mu K’ Yến